Tibɔnyaan ti Luk ŋmee ti na 15:10 - Uwumbɔr aagbaŋ

¹⁰ Liyataŋakl lee aatataa le ye ke titunwanbirdaan ubaa yaa kpeln waabimbin kan, u pu le Uwumbɔr aatuuntiib ga li mɔɔni paacham.”

UWONBƆR A GBƆNPƆŊ LIKƆƆNL

¹⁰ Ni ye man le, n bei ni le, npopeen be Uwonbɔr a malakam ban ni ye tibirdaan uba nan kpenn u binbem ke.”

Tibɔnyaan ti Luk ŋmee ti na 15:10 ပူးပေါင်းရင်းမြစ်များ

Esekiel 18:23

Tidindaan Uwumbɔr baa ke, “Ni dak ke titunwanbirdaan yaa kpo kan, ni mɔ mi la aa? Aayii, m ga li gee ke u ba kpeln waabimbin ki li bi.

Esekiel 18:32

Min Nidindaan Uwumbɔr le len ke maa ban ke ubaa kpo. Fenn nipuwɔb tii nimi aatunwanbir ki li bi man.”

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Matiu 10:32

“Unii umɔk len binib aanimbil ni ke u ye miyoo na, m mu ga len Nte Uwumbɔr u bi paacham na aanimbil ni ke udaan ngbaan le ye miyoo.

Matiu 18:10

“Li nyi man ki taa lik bibilb ponn ni ubaa fam. M tuk nimi la, baatuuntiib bi paacham Nte Uwumbɔr aanimbiin ni n‑yoonn mɔmɔk. [

Matiu 18:14

Kina le Nite Uwumbɔr u bi paacham na aa ban ke bibilb waatiib ngbaan ponn ni ubaa wɔŋ.”

Tibɔnyaan ti Luk ŋmee ti na 12:8

“M tuk nimi la, unii umɔk len binib aanimbil ni ke min le ye Udindaan na, min Unibɔn Aabo mu ga len Uwumbɔr aatuuntiib aanimbil ni ke udaan ngbaan le ye miyoo.

Tibɔnyaan ti Luk ŋmee ti na 12:9

Unii umɔk yii mi binib aanimbil ni na, m mu ga yii udaan ngbaan Uwumbɔr aatuuntiib aanimbil ni.

Tibɔnyaan ti Luk ŋmee ti na 13:5

Aayii. M tuk nimi la, ni yaa kaa kpeln nimi aabimbin kan, ni mɔmɔk ga kpo kina la.”

Tibɔnyaan ti Luk ŋmee ti na 15:11

Yesu nan ki bui bi, “Uja ubaa nan bi ki nan kpa japɔtiib bilee.

Tibɔnyaan ti Luk ŋmee ti na 15:7

Liyataŋakl lee aatataa le ye ke titunwanbirdaan ubaa yaa kpeln waabimbin kan, paacham yaab ga li mɔɔni unii u kpeln waabimbin na pu, ki jer baah ga li mɔɔni bininyaam imonko inaa ni kipiik ni biwae bi kaa ban bi kpeln baabimbin na pu.”

Tibɔnyaan ti Luk ŋmee ti na 15:9

Tɔ, u yaa ti kan li kan, u ga yi ni unaakoontiib ni udoyaab, ki nan bui bi, ‘Maamombil li wɔŋ na, m kan li. Cha ti li mɔɔni man.’

Tibɔnyaan ti Luk ŋmee ti na 7:47

M tuk si la, m di cha waatunwanbir ti wiir na ki pinn u. Nima le cha u gee mi sakpen. M yaa di cha pinn unii titunwanbir siib na kan, udaan ga li gee mi siib la.”

Lituln 11:18

Juu yaab ngbaan aah ŋun Piita aah len pu na, le baa ki kpak u. Bi nan nyuŋ Uwumbɔr, le ki bui ke, “Kina pu na, Uwumbɔr cha binib bi kaa ye Juu yaab na mu kpeln baabimbin ki kan limɔfal.”

Lituln 5:19

Kinyeek ngbaan le Uwumbɔr aatuun dan nan chuu piir kiyondiik aajaaleŋ, le ki nyan bi, ki bui bi,

2 Korenti 7:10

Ba pu? Uwumbɔr yaa cha unii kpa mpombiin waatunwanbir pu kan, nima le ga cha u kpeln waabimbin ki ŋmar. Naan ki gar u. Tɔ, dulnyaa wee ni aapombiin joo ni nkun la.

Filemonn 1:15

Nibaakan, u yakr aa chee ni yunn siib, aan u ki gir ni aa chee ki li bi n‑yoonn mɔmɔk mu kaa kpa ndoon na.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.