Tibɔnyaan ti Luk ŋmee ti na 14:13 - Uwumbɔr aagbaŋ

¹³ Aa yaa ŋa njim kan, yin bigiim, ni bitaageeb, ni biwɔb, ni bijoom, ke bi dan nan ji.

UWONBƆR A GBƆNPƆŊ LIKƆƆNL

¹³ Amaa ni ye a yin yin bininfob tijiir a jim ke, a yim faladam, nin nwɔbim, nin ndiɛm, nin bijɔɔm,

Tibɔnyaan ti Luk ŋmee ti na 14:13 ပူးပေါင်းရင်းမြစ်များ

2 Samuel 6:19

le ki yakr yakr tijikaar tii bi mɔmɔk. U nan tii Israel aaja ni upii mɔmɔk liboroboro kpiln libaa, ni tinanpukaan, ni ŋisubil mu. Nee aapuwɔb, le bi mɔmɔk kun bido bido.

2 Bibɔrb Aabɔr 30:24

Ubɔr Hesekia nan too inaaja lichur, ni ipiih ŋichur ŋilole le tii binib ngbaan ke bi kɔr ki ŋmɔ, le waaninkpiib mu too inaaja lichur ni ipiih ŋichur kipiik. Bitotoorb pam le nan toor nyan bibaa tijɔŋ ni.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Nehemia 8:12

Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Job Aagbaŋ 29:13

Binib bi nan bi falaa kpaan ni na nan pak mi la, le m ter bikpopiib le bi kan lifuur.

Ŋiyataŋak 14:31

Aa yaa muk bigiim kan, aa seei Uwumbɔr u naan bi na la; aa yaa ŋa ugiin tiŋann kan, aa nyuŋni Uwumbɔr la.

Ŋiyataŋak 22:9

Li ye ubulchinn daan ki yakr saajikaar tii bigiim. Aa ga kan tinyoor ni pu.

Aisaya 58:10

ki yaa tii nkon aah joo binib bi na tijiir, ki cha binib bi lann na mu kan kan, n‑yoonn ngbaan le mbɔmbɔɔn mu maln goln nimi na ga daa labr nwiihn mu wiin ke nwiin pu aawiin na.

Aisaya 58:7

Yakr man nimi aajikaar tii nkon aah joo binib bi na, ki piir nimi aadichal tii bigiim bi kaa kpa nkookoo yaan na. Tii binib bi kaa kpa nibaa peeni na bi peen, ki li joo nido yaab man.

Matiu 15:30

Le kinipaak sakpeŋ joo ni biwɔb, ni bijoom, ni bibirb, ni bitaageeb, ni bibum aabɔŋ, ki nan di bil Yesu aanimbiin ni. Le u tii bi mɔmɔk laafee.

Matiu 22:10

Le waatutum buen kitiŋ ponn ni aasan ni, ki ti yin ni baah kan bi na mɔmɔk, binib bi ŋan na ni bi kaa ŋan na mɔmɔk. Le bi nan gbiin kidiik ki bi ji tijikaar ki ponn ni na.

Tibɔnyaan ti Luk ŋmee ti na 11:41

Di naah kpa tiwan ni na tii bigiim, ki di nibaa mu tii bi. Ni yaa ŋa kina kan, tijɔŋ tibaa aan ki li bi ni chee.

Tibɔnyaan ti Luk ŋmee ti na 14:12

Le Yesu bui Farisii yaab aaninkpel u yin u ke u dan nan ji tijikaar na, “Aa yaa ŋa njim kan, taa yin aajɔtiib, bee saamaal aanib, bee aanaabitiib, bee aaŋeen aatɔtiib bi ye biwankpadam na, ke bi dan nan ji; ba pu? bi mu ga ki yin si ke aa nan ji bi chee tijikaar ki teen.

Tibɔnyaan ti Luk ŋmee ti na 14:14

Bima le aa kpa nibaa ke bi ki giin tii si. Uwumbɔr le ga ŋa tinyoor ŋa aa pu. Buyoonn bininyaam ga fikr nkun ni na, le Uwumbɔr ga tii si saapal.”

Tibɔnyaan ti Luk ŋmee ti na 14:21

“Le ututunn ngbaan gir kun udindaan chee, ki ti tuk u bi mɔmɔk aah len pu na. Le liŋuul chuu u. Le u bui waatutunn ngbaan, ‘Li cha kinyaŋ ni mala, ki ti yin ni bigiim, ni bitaageeb, ni bijoom, ni biwɔb, ke bi dan nan ji.’

Lituln 9:39

Le Piita fii dii bi. Waah ti fuu ni nima na, le bi di u buen paacham aadiik ngbaan ni. Le bikpopiib kuun nima, ki si Piita chee, ki wii, le ki mɔk u ŋibɔkul ŋi Dokas nan ŋa tii bi, waah nan bi na.

Ikaal 14:29

Tijikaar ngbaan le Liifai yaab, ni biwɔwɔm, ni nkpobim, ni bikpopiib bi bi nimi aatim ni na mu ga li ji. (Liifai yaab aa kpa bibaa aakpaakon.) Nima chee le bi ga dan ki nan kan baah ban tijikaar ti na. Ni li ŋani kina, nima kan, Nidindaan Uwumbɔr ga ŋa tinyoor ŋa nimi aatuln mɔmɔk pu.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 16:14

Nimi, ni nimi aabim, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim ni na kpaan ji mu, ki li mɔɔni, ki li kpa mpopiin.

1 Timoti 3:2

Ni ŋan ke Yesu aanib aaninkpel taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasaab, ki li bi mbamɔm, ki li channi bicham tichann, ki li ye unii u ga ŋmaa tuk binib Uwumbɔr aabɔr mbamɔm na.

1 Timoti 5:10

binib yaa len ke upii ngbaan tun litunyaan: u yaa nan kpiini mbim mbamɔm, ki yaa nan ŋani bicham tichann, ki yaa sunn ubaa taab ki tun lituln tii Yesu aanib, ki yaa nan ter binib bi bi limukl ni na, aan unimbil yaa man litunyaan mɔmɔk pu kan, aa ŋmee waayimbil bikpopiib aagbaŋ ponn ni.

Taitus 1:8

Ni ŋan ke u li ye unii u channi bicham tichann na, ki li gee lituln li ŋan na, ki li kpa laasaab, ni mbimbinyaan, ki li bi chain, ki li chur ubaa,

Filemonn 1:7

Nna aabo, saah gee binib pu na, nima le tii mi mpopiin sakpen, ki sɔŋ nsui; ba pu? saah ŋani pu na, aa pɔɔk Uwumbɔr aanib aataakpab la.

Hiibru Yaab 13:2

Ni li teer ki chann bicham tichann. Binib bibaa nan chann Uwumbɔr aatuuntiib tichann, kaa nyi ke Uwumbɔr aatuuntiib ye.