Tibɔnyaan ti Luk ŋmee ti na 13:35 - Uwumbɔr aagbaŋ

³⁵ Lik, Uwumbɔr siir cha nimi. M tuk nimi la, naan ki kan mi ki nan saa bundaln ni ga nan bui ke, ‘Uwumbɔr aanyoor bi unii u choo uma Uwumbɔr aayimbil ni na pu.’”

UWONBƆR A GBƆNPƆŊ LIKƆƆNL

³⁵ Ni lig man, Uwonbɔr jiɛn ni niin ki per na. N bei ni le, naa ji li kam mi nin naah na li ke, ‘Tikaar be uninfo wan choon Uwonbɔr a yinl bu-n.’”

Tibɔnyaan ti Luk ŋmee ti na 13:35 ပူးပေါင်းရင်းမြစ်များ

Ilahn 118:26

Tinyoor bi unii u choo Uwumbɔr aayimbil pu na. Ti bi Uwumbɔr Aadichal ni le ki mee waanyoor ŋani nimi pu.

Ilahn 69:25

Cha baakookoo yaan kpaln tilangbenn, taa cha ubaa gur baadichal ni.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Jeremia 22:5

Tɔ, ni yaa kaa ŋani maah tuk nimi pu na kan, m puu tii nimi ke libɔrdichal limina ga ber doo ki kpaln lilangbeln. Min Uwumbɔr le len kina.

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Matiu 21:9

Le binib bi loln u pu nsan na, ni binib bi paa puwɔb na nan bi tar ke, “Hosiana, pakn Ubɔr David Aayaabil man. Uwumbɔr ŋa tinyoor ŋa unii u choo waayimbil ni na pu. Hosiana bi paacham.”

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Tibɔnyaan ti Luk ŋmee ti na 19:41

Yesu aah peen Jerusalem aatiŋ na, le u waa ki, ki wii sakpen ki pu,

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Jɔnn 12:13

Le bi yoor tibɔkpafar ki ti tooh u nsan ni, le ki tar, “Hosiana, Uwumbɔr ŋa tinyoor ŋa unii u choo waayimbil ni na pu. Uwumbɔr ŋa tinyoor ŋa Israel yaab Aabɔrkpaan pu.”