Tibɔnyaan ti Luk ŋmee ti na 13:32 - Uwumbɔr aagbaŋ

³² Le Yesu bui bi, “Ni li cha ti tuk uŋɔk ngbaan, ‘Din ni fen le m ga nyan tiyayaar binib ni, ki cha bibum pɔɔk. Iwiin itaa daal le maatuln ga doo.’

UWONBƆR A GBƆNPƆŊ LIKƆƆNL

³² Le U jiin ke, “Ni li chaa ki tan bei kuŋɔg nmɔn ke, ‘Dinan nin won le n yin nyan nnaanbiim bininfobin, ki che bibaarib n pɔɔg. Iweehn itaa daal le n toon yin diɛ.’

Tibɔnyaan ti Luk ŋmee ti na 13:32 ပူးပေါင်းရင်းမြစ်များ

Solomonn Aalahn 2:15

Chuu iŋɔk, chuu iŋɔk waatiir ngbaan waahr aan i nin bii timi aasubil aasaak ki bi ŋeeni na.

Esekiel 13:4

Israel aanib, nimi aabɔnabr ye fam ke iŋɔk i koo kitiŋ ki kpaln ŋilangben na ni na la.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Tibɔnyaan ti Mak ŋmee ti na 6:14

Yesu aayimbil nan moon ŋipepel mɔmɔk ni. Le Ubɔr Herod mu ti ŋun u pu, le ki bui ke Jɔnn u nan muini binib nnyun ni na le fikr nkun ni, nima le cha u kpa mpɔɔn ki tun lijinjiir aatun ngbaan.

Jɔnn 10:32

Le u bui bi, “M tun litunyaan pam Nte Uwumbɔr aapɔɔn pu ninimbil ni. Lilatuln pu ni ban ni mae mi ŋitakpal?”

Jɔnn 19:30

Waah moor ni na, le u bui ke, “Maatuln doo a,” le ki gaa tiin, ki cha waawiin nyan, le u kpo.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

Hiibru Yaab 5:9

Nima le cha u ye timi aaŋmaŋmardaan bamɔnn, ki gaa binib bimɔk kii waamɔb na lii n‑yoonn mu kaa kpa ndoon na.

Hiibru Yaab 7:28

Bi nan leer bitotoorninkpiib Moses aakaal aah dii pu na. Bitotoorninkpiib ngbaan aa nan ŋan ti doo. Nkaal ngbaan aapuwɔb le Uwumbɔr puu tipuur, ki ŋa Ujapɔɔn utotoorninkpel. Uma le ye utotoorninkpel bamɔnn, ki ga li bi n‑yoonn mu kaa kpa ndoon na.