Tibɔnyaan ti Luk ŋmee ti na 13:27 - Uwumbɔr aagbaŋ

²⁷ Le u ga ki bui nimi, ‘M tuk nimi la, maa nyi nimi. Ni nyan ni la chee? Nimi titunwanbirdam, ni mɔmɔk siir m chee man.’

UWONBƆR A GBƆNPƆŊ LIKƆƆNL

²⁷ “Amaa le u ji li jiin ke, ‘Maa nyi ni, kaa nyi naah nyan nan yaan ni. Nim ti toonbir dam nan biɛn, ni fɔɔr n ban na!’

Tibɔnyaan ti Luk ŋmee ti na 13:27 ပူးပေါင်းရင်းမြစ်များ

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 101:8

Iwiin mɔmɔk kan, m ga li ku bibiindam bi bi timi aatiŋ pu na la; m ga jenn nyan titunwanbirdam mɔmɔk Uwumbɔr aatiŋ ponn ni.

Ilahn 119:115

Nimi titunwanbirdam, siir m chee man. M ga li dii Maawumbɔr aakaal la.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 28:3

Aa yaa ban aa bii bibiindam, ni binib bi tun titunwanbir aan baamɔliin naahn kijɔtiik ki mu tee kpa kinanaŋ bisui ni na kan, taa di mi kpaan bi chee.

Ilahn 5:6

Aa bii binyamɔndam mɔmɔk doo ki lik seeni binib bi bir ki ŋmanni biken na.

Ilahn 6:8

Nimi kinimbɔŋdam, siir m chee man, Uwumbɔr ŋun maah wii pu na;

Hosea 9:12

Tɔ, bi yaa ma mbim kan, m ga yoor bi mɔmɔk kaan gur ubaa. N‑yoonn mu m siir cha binib bee na kan, tibɔbir pam le ga kan bi.”

Matiu 25:12

Le u bui bi, ‘M tuk nimi mbamɔn la, maa nyi nimi.’”

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

1 Korenti 8:3

Unii mu yaa gee Uwumbɔr kan, Uwumbɔr beer udaan ngbaan.

Galantiya 4:9

Dandana wee, ni nyi Uwumbɔr, le u mu nyi nimi. Ba ŋa ni ban ni labr ki ki dii dulnyaa aawanbir mu kaa kpa mpɔɔn, kaa ŋmaa ter nimi na? Ba ŋa ni ban ke tiwanbir ngbaan ki li joo nimi tinaagbiir?

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”