Tibɔnyaan ti Luk ŋmee ti na 13:24 - Uwumbɔr aagbaŋ

^24-25 Le Yesu bui bi, “Cha ninimbil li man ni li dii mbisamɔb mu kaa waa na. M tuk nimi la, buyoonn udichadaan na ga nan fii ki laŋ kidiik na, nee aapuwɔb le binib pam ga li ban bi koo ni, kaan ŋmaa koo ni. Ni ga li si lipaal, ki kpaar jaaleŋ, ki bui ke, ‘Tidindaan, chuu piir tii timi.’ Le u ga bui nimi, ‘Maa nyi nimi. Ni nyan ni la chee?’

UWONBƆR A GBƆNPƆŊ LIKƆƆNL

²⁴ “Ni pɔɔn ni ba wee ki nan kɔɔ linaanganl lan kaa yalin nan yaan. N bei ni le, bininfob takpem na li ban bin kɔɔ niin, le kaa yin fir kɔɔ.

Tibɔnyaan ti Luk ŋmee ti na 13:24 ပူးပေါင်းရင်းမြစ်များ

Ŋiyataŋak 14:6

Unii u yoor ubaa paacham sakpen na aan ŋmaa kan nlan, le bilandam ma yaa ban bi bae kan, naa pɔɔ bi.

Ŋiyataŋak 21:25

Ugbanyakdaan u yii lituln na bi ku ubaa la.

Ulandaan 10:15

Ulatiir u kaa nyi udo aasan na le ga di lituln ku ubaa.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Matiu 11:12

Buyoonn Jɔnn nan fuu ni ki nan saa dandana na, le binib aanimbil man ke bi ti koo Uwumbɔr aanaan ni, le ki koo mpɔɔn pu.

Tibɔnyaan ti Luk ŋmee ti na 13:23

Le unii ubaa baa u, “Ndindaan, binib bi ŋmar na le bi siib aa?”

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

Jɔnn 13:33

Maabim, m ga li bi ni chee ni yunn siib la. Ni ga li ban mi. Maah nan tuk Juu yaab pu na, kina le m ki tuk ni mu dandana, ke naan ŋmaa buen maah cha nin chee na.

Jɔnn 5:4

ba pu? nwiin nwiin le Uwumbɔr aatuun ubaa sunn ni ki nan koo nnyunbun ni, ki ti kur nnyun. Bundaln u yaa ti dan nan kur nnyun na kan, ubun u puen koo nnyun ni na kan, le u pɔɔk.]

Jɔnn 6:27

Ni taa cha ninimbil li man tijikaar ti ga bii na pu. Ninimbil li man tijikaar ti ga tii nimi limɔfal li kaa kpa ndoon na pu. Min Unibɔn Aabo le ga tii nimi tijikaar ngbaan; ba pu? min Unibɔn Aabo le Nte Uwumbɔr mɔk ke m ye Waanii.”

Jɔnn 7:34

Ni ga nan ban mi, kaan kan mi. Maah ga ti li bi nin chee na, naan ŋmaa buen nima chee.”

Jɔnn 8:21

Le u ki tuk bi, “M ga buen nibaa chee. Ni ga ban mi, kaan kan mi, ki ga nan kpo; le Uwumbɔr aan di cha pinn nimi. Maah cha nin chee na, naan ŋmaa buen nima chee.”

Rom Yaab 10:3

Baa nyi Uwumbɔr aah ŋa pu aan ki len ke binib aabɔr ŋan u chee na. Bi nan ban ke bi dii nkaal aan ki ŋmar, ki yii Uwumbɔr aah ŋa pu ki cha binib aabɔr ŋan u chee na.

Kolosiya 1:29

Nima le cha m tun lituln linimaln. M tun lituln ngbaan waapɔɔn sakpiin pu la.

Hiibru Yaab 4:11

Nima pu na, cha tinimbil li man ke ti kan lifuur ngbaan, ubaa taa yii Uwumbɔr aamɔb ki lir, ke Israel yaab aah nan lir pu na.

Josua 7:3

le bi gir nan tuk Josua baah ti kan pu na ke, “Naa ye ti mɔmɔk le ga buen ti to Ai yaab butɔb. Aa yaa cha bijab ŋichur ŋilee, bee ŋitaa kina buen kan, ni ga ŋeer. Taa cha bijab ngbaan mɔmɔk buen bi ti to bi; kitiŋ ngbaan aa wiir kpala.”

2 Piita 1:10

Nnaabitiib, Uwumbɔr aah nyan nimi ki yin nimi pu na, ni li pɔɔni nibaa ki cha nimi aabimbinyaan li mɔk ke ni sil ye waanib. Ni yaa ŋa kina kan, naan lir.