Tibɔnyaan ti Luk ŋmee ti na 13:17 - Uwumbɔr aagbaŋ

¹⁷ Yesu aah len kina na, le inimɔɔn chuu binib bimɔk kpak u kinikpakpak na. Waah tun lijinjiir aatun pam pu na, le kinipaak ngbaan mɔmɔk nan kpa mpopiin pam.

UWONBƆR A GBƆNPƆŊ LIKƆƆNL

¹⁷ Waah nan pag man n-yonn man nin, le u dataam biɛn nan jin ifa, amaa le kuninfogbaluŋin biɛn nan jɔɔ npopeen nin waah nan tun ligaril a toonl yan biɛn nin bu.

Tibɔnyaan ti Luk ŋmee ti na 13:17 ပူးပေါင်းရင်းမြစ်များ

Ilahn 109:29

Cha maadim kpaln inimɔɔn aanib; cha inimɔɔn li ye baawanpeenkaan.

Ilahn 111:3

Waah tun ni mɔmɔk na kpa kipak ni nnaan aapɔɔn la; waabimbinyaan aa kpa ndoon.

Ilahn 132:18

M ga jinn waadim inimɔɔn, le waanaan ma ga pɔɔk ki kan liwangol.”

Ilahn 40:14

Cha binib bi ban ke bi ku mi na aalan ŋmal aan bi lir kookoo. Cha binib bi aasui piir maah bi tibɔr ni pu na di inimɔɔn labr.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 4:2

N‑yoonn choo, le Uwumbɔr ga cha timoor ni isui imɔk bi kitiŋ ngbaan pu na muun ki li ŋan. Tijikaar ti ga ŋa kitiŋ ngbaan pu na ga tii Israel yaab bimɔk ŋmar na mpopiin ni limakl.

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Tibɔnyaan ti Luk ŋmee ti na 14:6

Le baa ki ŋmaa len tibaa.

Tibɔnyaan ti Luk ŋmee ti na 18:43

Libuul ngbaan ni le unimbil likr, le u dii u, le ki nyuŋni Uwumbɔr. Binib ngbaan mɔmɔk aah kan kina na, le bi pak Uwumbɔr.

Tibɔnyaan ti Luk ŋmee ti na 19:48

kaa ŋmaa kan baah ga ku u pu na; ba pu? binib ngbaan mɔmɔk aanimbil man ke bi ŋun waah len pu na.

Tibɔnyaan ti Luk ŋmee ti na 20:40

Le baa kaa bi ki baa u mbaan.

Lituln 4:21

Baah len kina na, le bininkpiib ngbaan ki faan bi, le ki di bi lii. Kinipaak ngbaan pu le baa ŋmaa daa bitafal. Kinipaak ngbaan mɔmɔk nan bi nyuŋni Uwumbɔr, lijinjiir aatuln ngbaan pu.

2 Timoti 3:9

Bi mu aan ki li ŋmanni binib ki yunn; ba pu? binib mɔmɔk ga bee ke bi ye bijɔrb, ke binib aah nan bee Janes ni Jamberes pu na.

Taitus 2:8

Li len iliin i bi chob kaa kpa ngalm na, aan udin ubaa taa ŋmaa bii timi. Nima kan, inimɔɔn ga chuu u.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.