Tibɔnyaan ti Luk ŋmee ti na 12:5 - Uwumbɔr aagbaŋ

⁵ M sur nimi naah ga li san u ijawaan na. Ni li san Uwumbɔr. U yaa ku binib kan, u kpa mpɔɔn ke u di bi ŋa mmii mu kaan junn na ni. Mbamɔn, m tuk nimi la, ni li san uma.

UWONBƆR A GBƆNPƆŊ LIKƆƆNL

⁵ Amaa n li wɔɔn ni naah li san wan. Ni li san Uwonbɔr man, wan li fir ku tigbanann, ki ji jɔɔ npɔɔn man li fir ta ŋa nŋmi man kaa jɔɔ njunim nan yaan. Ibamɔn le n bei ni nan, ni li san waah man.

Tibɔnyaan ti Luk ŋmee ti na 12:5 ပူးပေါင်းရင်းမြစ်များ

Ilahn 9:17

Uwumbɔr aah tii bibiindam ni binib bi mɔmɔk yii u na liwangol li na le ye nkun.

Ŋiyataŋak 14:26

Unii u san Uwumbɔr ki pak u na ban ŋŋmarm ni lifuur le tii u ni waadichal.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Jeremia 5:22

Min le ye Uwumbɔr; ba ŋa naa san mi? Ba ŋa naa jii nnimbiin ni? M di litambol le bil kiir nnyusakpem, ke mu aanaanmɔk le na n‑yoonn mɔmɔk. Nnyusakpem aanyun ga fii too paacham, mu mu aan ŋmaa jer mu aanaanmɔk, le tinyunkpenn ga ŋmaa fii ti lir ni kifuuk, ti mu aan ŋmaa jer buen nibaa.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 25:46

Le bi ga kan ntafadaan n‑yoonn mu kaa kpa ndoon na. Le bininyaam ngbaan ga kan limɔfal li kaa kpa ndoon na.”

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Tibɔnyaan ti Mak ŋmee ti na 13:23

Ni li nyi man. M puun tuk nimi tibɔr timina mɔmɔk.”

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

Hiibru Yaab 10:31

Aa yaa lir Uwumbɔr u ye limɔfadaan na aaŋaal ni kan, ni kpa ijawaan sakpen a.

2 Piita 2:4

Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”

Tibɔkpiirkaan 20:14

Le u di nkun ni kitekpiitiŋ ŋa mmii sakpiin ponn ni. Mmii ngbaan le ye lelee aakun.