Tibɔnyaan ti Luk ŋmee ti na 12:4 - Uwumbɔr aagbaŋ

⁴ “Nimi bi ye njɔtiib na, m tuk nimi la, ni taa san binib ijawaan man. Bi ga ŋmaa ku nimi aawon baanja la. Baan ki ŋmaa ŋa nimi nibaa.

UWONBƆR A GBƆNPƆŊ LIKƆƆNL

⁴ “N jɔtiib, n bei ni le, ni laa san bininfob bijawaami, bi lee li fir ku ni gbanann a binba le; amaa le kaa ji li fir ŋa ni niba.

Tibɔnyaan ti Luk ŋmee ti na 12:4 ပူးပေါင်းရင်းမြစ်များ

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Solomonn Aalahn 5:16

M yaa moor umɔb kan, ni mirk la; waawan mɔmɔk cha m moo neen u la. Jerusalem aapiib, mbɔɔn bi kina la.

Aisaya 41:8

Le nimi maatutum Israel yaab, ni ye binib bi m lee bi na la, njɔ Abraham aayaabitiib.

Jeremia 1:17

Jeremia, gor ki buen ti bui bi maah bui si ke aa len pu na mɔmɔk. Taa san bi ijawaan dandana wee, naa ye kina kan, buyoonn aa bi bi chee na, le m ga cha ijawaan chuu si.

Jeremia 1:8

M ga li bi aa chee ki kii si. Taa san bi ijawaan. Min Uwumbɔr le len kina.”

Esekiel 2:6

“Sin unibɔn, taa li san bi ijawaan, ki taa li san baah len pu na mu ijawaan. Bi ga yii si ki lik seen si; ni ga li bi ke unii aah koo inyoohn chee pu na la. Taa san binib bi yii maamɔb ngbaan na ijawaan, ki taa li san baah len pu na mu ijawaan.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Jɔnn 15:13

Unii yaa kpo ujɔtiib pu kan, ubaa aa ki bi, ki kpa ngeehm ki ti jer kina.

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 4:13

Bininkpiib ngbaan nan bee ke Piita ni Jɔnn aa ye binib bi nyuun na, kaa bae mbaem, le ki kpa lipobil ki len. Baah kpa lipobil pu na, le ni gar bininkpiib ngbaan. Bi bee ke bi nan ye Yesu aajɔtiib la.

Filipi 1:28

Ni taa san nimi aadim ijawaan man. Nima le ga mɔk bi ke bi ga kan ntafadaan mu kaa kpa ndoon na, ki ga mɔk nimi ke Uwumbɔr ga gaa nimi lii.

Jemisi 2:23

Le ni gbiin Uwumbɔr Aagbaŋ aah len pu na ke, “Abraham nan gaa Uwumbɔr aamɔboln ki kii, kina pu na le Uwumbɔr gaa u ke u ye uninyaan u chee.” Le Uwumbɔr yin u ke ujɔ.

1 Piita 3:14

Ni mu yaa kan falaa lituln li ŋan na pu kan, Uwumbɔr aanyoor bi ni pu la. Ni taa san unii ubaa ijawaan, ki taa cha ilandak li joo nimi.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.