Tibɔnyaan ti Luk ŋmee ti na 12:37 - Uwumbɔr aagbaŋ

³⁷ Bitutum bi lik bidindaan aah ga fuu ni pu na, Uwumbɔr aanyoor bi bi pu. M tuk nimi mbamɔn la, u ga cha bi kal, ki ga di tijikaar siin binimbiin ni.

UWONBƆR A GBƆNPƆŊ LIKƆƆNL

³⁷ Bitoontum ban wee bi yudaau li foon ki miin bi guu u kunim nan npopeen ye bi yaan le. N bei ni ibamɔn le, u li ŋa sili ni itoon, ki che u toontum nmɔn kal le un yuur tijiir ki nan sei bi, le bin ji.

Tibɔnyaan ti Luk ŋmee ti na 12:37 ပူးပေါင်းရင်းမြစ်များ

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Matiu 24:42

“Ni li nyi man. Naa nyi bundaln min Nidindaan ga gir ni na.

Tibɔnyaan ti Luk ŋmee ti na 12:36

ki li bi ke bitutum bi si kii buyoonn bidindaan ga nya tibɔndinn aajikaar aajim ni, ki fuu ni na. U yaa nan fuu ni ki kpaar jaaleŋ kan, libuul ngbaan ni le bi ga chuu piir tii u.

Tibɔnyaan ti Luk ŋmee ti na 12:43

Udindaan yaa nan fuu ni ki mui waatutunn ŋani uma udindaan aah ban pu na kan, Uwumbɔr aanyoor bi ututunn ngbaan pu.

Tibɔnyaan ti Luk ŋmee ti na 17:8

Aa ga bui u, ‘Ŋa tijikaar ki siin mi aan m ji ki nyu. M yaa jin doo kan, aa mu ga ji ki nyu.’

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

Tibɔnyaan ti Luk ŋmee ti na 22:27

Unii u ŋa tijikaar na, ni unii u ji na, ŋma jer uken? Naa ye unii u ji na aa? Mma kan, m bi ke ututunn na le ni ponn ni.

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

Filipi 1:21

M yaa bi limɔfal ni kan, Kristo pu le m bi. M yaa kpo kan, m ga kan tinyoor.

Filipi 1:23

nkun ni limɔfal mɔmɔk ŋan la. M ban ke m nya dulnyaa ni, ki ti li bi Kristo chee; ba pu? nima le ga li ŋan sakpen ki jer naah ŋan pu dulnyaa wee ni na.

2 Piita 1:11

Uwumbɔr ga tii nimi nsan ke ni koo Tidindaan Yesu Kristo u gaal timi lir na aanaan mu ga li bi n‑yoonn mu kaa kpa ndoon na ni.

2 Piita 3:14

Maanigeekaab, naah kpa limakl kina na, ni li pɔɔni nibaa ki li bi suuna, ki li bi chain, ki taa li kpa taani ubaa Uwumbɔr chee bundaln u ga lik nimi aabimbin aah bi pu na.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”

Tibɔkpiirkaan 16:15

Tiyayaar ngbaan nan kuun bi lipepel libaa wɔb. Hiibru aaliin ponn ni bi yin nima chee ke Amagedonn. Le Yesu bui ke, “Li pel man, m ga dan ke unaayuk aah choo pu na la. Uwumbɔr aanyoor bi binib bi si kii bundaln m ga nan fuu ni na, ki lik baawanpeenkaan ke bi taa chuun biŋmeen, ki taa ji inimɔɔn.”

Tibɔkpiirkaan 3:21

Unii umɔk nyaŋ na, m ga cha u kal m chee maabɔrjal pu, ke m mu aah nan nyaŋ pu ki kal Nte Uwumbɔr chee waabɔrjal pu pu na.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”