Tibɔnyaan ti Luk ŋmee ti na 12:20 - Uwumbɔr aagbaŋ

²⁰ Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

UWONBƆR A GBƆNPƆŊ LIKƆƆNL

²⁰ “Le Uwonbɔr bei u ke, ‘Lijajaril nan! Kunyiɛg nan a li kpo. Wee n lig n jee a jɔɔm nan ŋma nin ye maa?’

Tibɔnyaan ti Luk ŋmee ti na 12:20 ပူးပေါင်းရင်းမြစ်များ

Esta 5:11

U nan puk kipupuk bi chee, waah kpa liwangol pu na, ni waah kpa japɔtiib sakpen pu na, ni ubɔr aah tii u tininkpir ti na, ni waah nyuun ki jer ubɔr aaninkpiib biken pu na.

Job Aagbaŋ 27:8

Uwumbɔr yaa ti ban u gaa binib bi kaa nyi u na aamɔfal kan, ba aamakl aan bi ki kpa?

Ilahn 39:6

li ye kijunjuŋ la. Waatuln mɔmɔk ye fam la; u ban liwangol bilni, kaa tee nyi u ga li yeh li na.

Ilahn 49:10

Unii mɔk kani ke binib bi kpa nlan na mu kpoi, ke bijɔrb ni bilatiirb na la. Bi mɔmɔk kpoi le ki cha baawangol siini biyaabitiib.

Ilahn 73:19

Libuul ngbaan ni le bi kuln, baah ga ti doo pu na ga li kpa ijawaan.

Ilahn 78:30

Tɔ, baakpeek aa nan kee doo; bi nan beenin ji,

Ŋiyataŋak 10:2

Aa yaa di inyamɔn kan liwangol kan, laa kpa si tinyoor tibaa; le ibamɔn ma ga nyan si nkun ni.

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 13:7

Binib bibaa ŋmanni ke bi ye biwankpadam la, le kaa kpa nibaa. Bibaa mu ŋmanni ke bi ye bigiim la, le ki tee kpa liwangol.

Ŋiyataŋak 27:1

Taa li kpa kipupuk fen u ga woln na pu, saa nyi ni ga ŋa dandana wee ni n‑yoonn ngbaan aakaasisik ni na.

Ŋiyataŋak 28:8

Aa yaa ji binib pem pem ki kan liwangol kan, unii u san bigiim kinimbaak na le ga nan ji saawangol ngbaan.

Aisaya 56:12

Bi len le ke, ‘Cha ti ban man ndaan; aan ki nyu taah gee pu na. Fen ga fe li mɔ jer din.’”

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Amos 6:13

Ni puk kipupuk ke ni nyaŋ Lo Debar aatiŋ. Ni puk kipupuk ke, “Ti nan pɔɔ ki nyaŋ Karnayim aatiŋ.”

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Tibɔnyaan ti Luk ŋmee ti na 11:40

Nimi bijɔrb bimina, Uwumbɔr u nan naan tiwon na, uma le naan nisui mu.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

1 Timoti 6:7

Taah nan dan dulnyaa wee ni buyoonn na, taa nan joo ni nibaa. Taah ga ki nya dulnyaa wee ni buyoonn na, taan ki ŋmaa joo nibaa ki di nya.

Jemisi 4:14

naa nyi tiwan ni ga fe ŋa fen na. Nimi aamɔfal bi kinye? Li naahn likpakpal li ŋub siib ki ki kpaan woln na la.