Tibɔnyaan ti Luk ŋmee ti na 12:18 - Uwumbɔr aagbaŋ

¹⁸ M ga ŋa kina la; m ga gbaa wii maapil mɔmɔk, ki ki maa ŋipil ŋi filk ki jer ŋimina na. M ga di maajikaar mɔmɔk ŋa ŋi ponn ni.

UWONBƆR A GBƆNPƆŊ LIKƆƆNL

¹⁸ “Ni bɔɔn bu le u ke, ‘N yin ŋa nan le, n yin worin n naapɔr nan biɛn le, le ki mann tii tinaapɔr takpen. Ni yaan le n li ta n dii nin n jikaar biɛn ki ŋa.’

Tibɔnyaan ti Luk ŋmee ti na 12:18 ပူးပေါင်းရင်းမြစ်များ

Ilahn 17:14

Gaa mi binib bi kpa baah ban pu na mɔmɔk dulnyaa wee ni na chee lii. Di saah di ntafadaan mu siin kiir bi na daa bitafal; cha ntafadaan ngbaan gur ki nan pii baabim aan muken mu le kii biyaabitiib.

Matiu 6:26

Lik inyoon i laani paacham na aah bi pu na. Yaa ko tijikaar ki mu aa chee, ki mu aa faa njikaabim fuu ŋipil ni. Nite Uwumbɔr u bi paacham na le kpiini i. Naa jer i ii?

Tibɔnyaan ti Luk ŋmee ti na 12:17

Le u dak usui ni, ‘Maa ki kpa maah ga di maajikaar ŋa tiwan ni ponn ni na. M ga ŋa kinye?

Tibɔnyaan ti Luk ŋmee ti na 12:19

Le m ga bui mbaa, M kpa tijikaar ti ga fuu mi ŋibin sakpen na. M ga fuur, ki ji, ki nyu, ki li mɔɔni.’

Tibɔnyaan ti Luk ŋmee ti na 12:21

“Kina le unii umɔk di liwangol bil kiir ubaa, kaa kpa liwangol Uwumbɔr chee na, u mu ye ujɔr.”

Tibɔnyaan ti Luk ŋmee ti na 12:24

Dakl lik ŋikakaa aah bi pu na. Ŋaa ko tijikaar, ki mu aa chee ti, kaa kpa ŋipil, kaa kpa ŋiboo. Uwumbɔr le kpiini ŋi. Naa jer ŋi sakpen aa?

Tibɔnyaan ti Luk ŋmee ti na 18:4

N‑yoonn mɔmɔk le u yiil ni ti yunn. Naah joo cha kina na, le u ti len usui ni, ‘Maa san Uwumbɔr, ki mu aa pak binib.

Tibɔnyaan ti Luk ŋmee ti na 18:6

Le Yesu ki bui waadidiliib, “Li ŋun man ubɔjir u kaa ŋan na aah len pu na.

Jemisi 3:15

Nlan mumina aaboln aa nyan ni Uwumbɔr chee. Mu ye dulnyaa wee ni aalan la. Naa ye Uwumbɔr Aafuur Nyaan aalan. Mu ye kinimbɔŋ aalan la.

Jemisi 4:13

Li pel man, nimi bi len ke, “Din, ke nibaakan fen, ti ga fe buen kitiŋ kibaa ni, ki ti ŋa nima libiln libaa, ki daa tiwan, ki ŋa kitiirk ki kan tinyoor,”

Jemisi 4:15

Nimi aamɔfal aah bi kina na, nima le ni ŋan ke ni len ke, “Tidindaan yaa kii kan, ti ga li bi, ki ŋa kina, ki ki ŋa kina.”