Tibɔnyaan ti Luk ŋmee ti na 11:39 - Uwumbɔr aagbaŋ

³⁹ Le Tidindaan bui u, “Nimi Farisii yaab, ni ŋir tiyir ni ŋisambil aapuwɔb mbamɔm, kaa ŋir ni ponn ni. Kina le ni ban ke binib bui ke ni ye bininyaam; nisui ponn ni mu gbii kinaayuk aatuln ni titunwanbir.

UWONBƆR A GBƆNPƆŊ LIKƆƆNL

³⁹ Le Uyudaau nmɔn bei u ke, “Nim Farasii yaab nir tiyir nin nsam a bɔɔn a binba le, amaa le ni sufu ni gbee nin kujaŋuuŋ nin npooton.

Tibɔnyaan ti Luk ŋmee ti na 11:39 ပူးပေါင်းရင်းမြစ်များ

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

2 Bibɔrb Aabɔr 25:2

U nan tun tiwan ni piir Uwumbɔr aasui na. U mu aa nan joo usui mɔmɔk tun kina aatuln.

Ilahn 22:13

Bi waa bimɔi ke ichinn na la, ki ŋuuni ki dar par mi.

Ŋiyataŋak 26:23

Ikpatakpaln i bɔrni unii aabimbin na aah bi pu na naahn n‑yam aah bi tiyakr aabukpiik pu pu na la.

Ŋiyataŋak 26:25

Waamɔliin ga li mɔ ki ŋan, taa gaa waah len pu na, ba pu? usui gbii kinanaŋ le ki ti bar kpir.

Ŋiyataŋak 30:12

Binib bibaa bi, ki dak ke baabimbin ŋan la, le ki tee kpa tijɔŋ sakpen.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Esekiel 22:25

Kaasalolm bi ke ichinn na la, le ki ŋuuni yaah ku tinann ti na pu. Bi ku binib, le ki yoor ŋimombil ni liwangol li bi kan na, le baanikul ngbaan pu bikpopiib pam bi.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Matiu 15:19

Tiwan ni nyan binib aasui ni na le ye ilandak i kaa ŋan na, ni linikul, ni kidagook aatuln, ni kinaayuk, ni linyamɔngee, ni ŋisiibil.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Tibɔnyaan ti Luk ŋmee ti na 7:13

Tidindaan aah kan ukpopii ngbaan na, le kinimbaak chuu u. Le u bui u, “Taa ki wii,”

Tibɔnyaan ti Luk ŋmee ti na 7:19

Le u yin bi ponn ni bilee, le ki tun bi ke bi buen Tidindaan chee, ki ti baa u ke u ye unii u Uwumbɔr aabɔnabtiib nan len ke u ga dan na aan waa ye? Bi ga li ban uken aa?

Jɔnn 12:6

Judas aatafal aa nan bi bigiim ni. U nan ye unaayuk la, ki nan ye unii u joo ŋimombil aataakɔr na, ki su baah di ŋimombil ŋi ŋa li ponn ni na. Nima le cha u len kina.

Jɔnn 13:2

Le ni ŋeer bi ji kijook aajikaar. Le kinimbɔŋ dan nan koo Judas Iskariot u ye Simonn aajapɔɔn na aasui ni ke u kooh Yesu.

Lituln 5:3

Le Piita baa u, “Ananias, ba ŋa aa cha kinimbɔŋ koo aasui ni, ki cha aa ban ke aa ŋmann Uwumbɔr Aafuur Nyaan, ki gur aabaa ŋimombil ngem?

Galantiya 1:14

M nan dii Juu yaab aasan ki jer ŋŋeen aatɔtiib ponn ni pam aah dii pu na. Nnimbil nan man tiyaajatiib aakaal pu.

2 Timoti 3:5

Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.

Taitus 1:15

Tiwan mɔmɔk bi chain binib bi bi chain na chee la. Binib bi kaa bi chain, kaa gaa Yesu ki kii na, tiwan nibaa aa bi chain ki tii bi. Baalandak mu aa ŋan. Baa ki nyi lituln li ŋan na, ni li kaa ŋan na.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.