Tibɔnyaan ti Luk ŋmee ti na 11:32 - Uwumbɔr aagbaŋ

³² Jona nan tuk Ninefa aatiŋ aanib Uwumbɔr aabɔr, le bi kpeln baabimbin. Min, u jer Jona na le tuk dandana aanib Uwumbɔr aabɔr, le baa kpeln baabimbin. Bundaln Uwumbɔr ga ji binib tibɔr na, Ninefa aatiŋ aanib aah nan kpeln baabimbin pu na, nima le ga mɔk ke dandana aanib aabɔr bii.”

UWONBƆR A GBƆNPƆŊ LIKƆƆNL

³² Tibɔr a ji daal, Ninefa a tiŋ a ninfob na li fii ki pag ki bii daandaan nan a ninfob; Jona kaah mɔɔn Uwonbɔr a bɔr ki sei bin bu, bi nan nyan bi toonbirin na; ke liga, daandaan nan wan jon Jona be do.

Tibɔnyaan ti Luk ŋmee ti na 11:32 ပူးပေါင်းရင်းမြစ်များ

Jona 3:4

Jona nan piin ki bɔ dii kitiŋ ngbaan ponn ni, le waah chuun nwimɔn aasachuln na, le u mooni tuk binib ngbaan ke, “Joo cha ni iwiin imonko ilee na, Ninefa aatiŋ ga kuln.”

Jona 3:5

Ninefa aanib nan tii naadii Uwumbɔr aah di tibɔr ti tuk bi na pu, le ki cha unii mɔk lul bumɔb; le binib mɔmɔk, bi ye biwankpadam ni bigiim na mɔmɔk nan peen tiwanpeenkaan ni saak kuub na ki mɔk ke bi kpeln baabimbin la.

Jona 4:9

Le Uwumbɔr nan ki bui u ke, “Saah gee liŋuul lipulaajil ngbaan aakun pu na, ni ŋan aa?” Le Jona gar ke, “Ni ŋan ke m gee liŋuul. M kpa liŋuul li ga ŋmaa ku mi na.”

Matiu 12:39

Le u bui bi, “Nimi dandana aanib, ni ye titunwanbirdam la, kaa dii Uwumbɔr, nima le ni ban lijinjiir aatuln. Uwumbɔr aabɔnabr Jona aah nan bi ujan sakpiin aaponn ni iwiin itaa ni tinyer titaa pu na,

Matiu 12:41

Jona nan tuk Ninefa aatiŋ aanib Uwumbɔr aabɔr. Le bi kpeln baabimbin. Min, u jer Jona na, le tuk nimi Uwumbɔr aabɔr, le naa kpeln nimi aabimbin. Bundaln Uwumbɔr ga ji binib tibɔr na, Ninefa aatiŋ aanib aah nan kpeln baabimbin pu na, nima le ga mɔk ke nimi aabɔr bii.

Tibɔnyaan ti Luk ŋmee ti na 11:31

Seba aatiŋ aapiibɔr nan nyan ni dandar ke u nan ŋun Ubɔr Solomonn aalan aaliin. Min u jer Solomonn na bi do la, le naa ŋun maaliin. Bundaln Uwumbɔr ga ji binib tibɔr na, upiibɔr ngbaan aah nan ŋa pu na, nima le ga mɔk ke dandana aanib aabɔr bii.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.