Tibɔnyaan ti Luk ŋmee ti na 11:2 - Uwumbɔr aagbaŋ

² Le Yesu bui bi, “Ni yaa mee Uwumbɔr kan, ni bui ke, ‘Tite Uwumbɔr [u bi paacham na,] cha binib li san saayimbil; cha saanaan dan. [Bi li ŋani saageehn dulnyaa wee ni, ke baah ŋani paacham pu na.]

UWONBƆR A GBƆNPƆŊ LIKƆƆNL

² Le U bei bi ke, “Ni yin miɛ Uwonbɔr ke, ni len ke: ‘Ti Baa, che a yinl le be kasi, che a naam n foon.

Tibɔnyaan ti Luk ŋmee ti na 11:2 ပူးပေါင်းရင်းမြစ်များ

1 Bibɔrb 8:43

pel waameel. Saah bi aado paacham na, pel u chee, ki ŋa waah ban pu na tii u, aan dulnyaa aanib mɔmɔk bee si, ki li keei saamɔb, ke saanib Israel yaab aah ŋani pu na. Nima le bi ga bee ke maah maa Lidichal li na ponn ni, le bi ga li dooni si.

2 Bibɔrb 19:19

Kina pu na, Tidindaan Uwumbɔr, gaa timi Asiria yaab ngbaan chee lii aan dulnyaa aatimbol mɔmɔk bee ke sin baanja le ye Uwumbɔr.”

2 Bibɔrb Aabɔr 20:6

Le Ubɔr Jehosafat buen ti sil binimbiin ni, ki mee Uwumbɔr mpɔɔn pu ke, “Uwumbɔr, tiyaajatiib Aawumbɔr, sin le bi paacham ki joo ŋitimbol mɔmɔk dulnyaa wee ni. Aa ye Mpɔɔnsakpiindaan u ubaa aan ŋmaa kpak si na la.

Ilahn 103:20

Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 108:5

Uwumbɔr, mɔk saah pɔɔ sakpen pu na kitaapaak ni, ki mɔk saapak kitiŋ kee mɔmɔk pu.

Ilahn 11:4

Uwumbɔr bi Waadichal li bi chain na ponn ni; waabɔrjal bi paacham la. U lik binib, ni kookoo, le ki nyi baah ŋani pu na.

Ilahn 57:11

Uwumbɔr, mɔk saah pɔɔ sakpen pu na kitaapaak ni, ki mɔk saapak kitiŋ kee mɔmɔk pu.

Ulandaan 5:2

Dakl lik waahr ki nin len, ki taa puur tipuur tii Uwumbɔr fam fam. U bi paacham, le aa bi taab, kina pu na, taa len ki jer saah kpa pu na.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Esekiel 36:23

M yaa mɔk ŋitimbol maayimbil li ni jinn li inimɔɔn ŋi ponn ni na aah ye chain pu na kan, bi ga bee ke min le ye Uwumbɔr. Min Bidindaan Uwumbɔr le len kina.

Daniel 2:28

Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 7:18

Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Liifai Yaab 22:23

Ni yaa ye ngeehn aapiin le ni ban ni tii kan, ni ga ŋmaa di kiwakork ki ni gee na ŋa kina aapiin; ni yaa ye tipuur aapɔln aapam kan, naan ŋmaa ŋa kina.

Habakuk 2:14

Nnyun aah bi ni kookoo nnyusakpem ponn ni pu na, kina le binib ga li nyi Uwumbɔr aah kpa mpɔɔn sakpen pu na dulnyaa wee mɔmɔk ni.

Matiu 10:32

“Unii umɔk len binib aanimbil ni ke u ye miyoo na, m mu ga len Nte Uwumbɔr u bi paacham na aanimbil ni ke udaan ngbaan le ye miyoo.

Matiu 3:2

le ki mooni, “Kpeln nimi aabimbin man. Uwumbɔr aanaan peen ni a.”

Matiu 5:16

Ni li bi kina man. Cha binib mɔmɔk kan nimi aawiihn aah wiin pu na, aan bi kan nimi aatunyaan aan ki pak Nite Uwumbɔr u bi paacham na.”

Tibɔnyaan ti Luk ŋmee ti na 11:1

Kitaak kibaa daal, le Yesu nan bi nibaa chee ki bi mee Uwumbɔr. Waah mee u ti doo na, le waadidiliib ponn ni ubaa bui u, “Ndindaan, mɔk timi taah ga mee Uwumbɔr pu na, ke Jɔnn u nan muini binib nnyun ni na aah nan mɔk waadidiliib pu na.”

Rom Yaab 1:7

Nima le m ŋmee kigbaŋ kee m tii nimi bimɔk bi Rom aatiŋ ni na. Uwumbɔr gee nimi ki yin nimi ke ni li ye waanib. Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Rom Yaab 8:15

Nfuur Nyaan mu Uwumbɔr tii nimi na, mu aa joo nimi tinaagbiir ke ni san ijawaan. Waafuur Nyaan le ŋa nimi waabim, le ki cha ti yin u ke “Nte.”

1 Korenti 1:3

Tite Uwumbɔr ni Tidindaan Yesu Kristo ŋa tinyoor ŋa ni pu ki tii nimi nsuudoon.

2 Korenti 1:2

Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Galantiya 1:4

Tite Uwumbɔr aageehn pu, le Kristo nan kpo timi aatunwanbir pu, ke u nyan timi dulnyaa wee aatunwanbir ni.

Efesusi 1:2

Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Filipi 1:2

Tite Uwumbɔr ni Tidindaan Yesu Kristo ŋa tinyoor ŋa ni pu, ki tii nimi nsuudoon.

Filipi 4:20

Cha ti li nyuŋni Tite Uwumbɔr n‑yoonn mu kaa kpa ndoon na. Amii.

Kolosiya 1:2

le ŋmee kigbaŋ kee ti tii nimi Uwumbɔr aanib bi ye tinaabitiib ki gaa Kristo ki kii, ki bi Kolose aatiŋ ni na. Tite Uwumbɔr [ni Tidindaan Yesu Kristo] ŋa tinyoor ŋa ni pu, ki tii nimi nsuudoon.

1 Tesalonika 1:1

Min Pɔɔl, ni Silfanus, ni Timoti le ŋmee kigbaŋ kee ti tii Yesu aanib bi bi Tesalonika aatiŋ ni ki ye Tite Uwumbɔr ni Tidindaan Yesu Kristo aanib na. Uwumbɔr ŋa tinyoor ŋa ni pu, ki tii nimi nsuudoon.

1 Tesalonika 1:3

Ti teer nimi Tite Uwumbɔr aanimbiin ni n‑yoonn mɔmɔk, ki teer ke naah ŋani pu na, nima le mɔk ke ni gaa u ki kii; naah tun lituln pu na, nima le mɔk ke ni gee u; naah kpa limɔr pu na, nima le mɔk ke ni kpa limakl Tidindaan Yesu Kristo pu.

2 Tesalonika 2:16

Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.