Tibɔnyaan ti Luk ŋmee ti na 10:28 - Uwumbɔr aagbaŋ

²⁸ Le Yesu bui u, “Aa len mbamɔn la. Li ŋani kina, le aa ga kan limɔfal.”

UWONBƆR A GBƆNPƆŊ LIKƆƆNL

²⁸ Le Yisa bei u ke, “A jiim ŋan, li tun man na, wee ki nan kan limiɛfol nmɔn.”

Tibɔnyaan ti Luk ŋmee ti na 10:28 ပူးပေါင်းရင်းမြစ်များ

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Ŋiyataŋak 19:16

Li joo Uwumbɔr aakaal ki li kpa limɔfafɔfɔŋ; aatafal yaa kaa bi i ni kan, aa ga kpo.

Esekiel 20:11

M nan tuk bi maah ban bi li bi pu na, ki mɔk bi maakaal i tii unii umɔk gaa i ki kii na limɔfal na.

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Esekiel 20:21

“Tɔ, bima ngbaan aaker mu nan ki yii maamɔb. Bi nan bii maakaal, kaa joo maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom. Nteersakpiin ni, nima chee, le m nan gor ke bi bee maaŋuul aah pɔɔ pu na, ki kuln bi mɔmɔk.

Liifai Yaab 18:5

Ni li ŋani ki li dii maakaal i m di mɔk nimi na; ni yaa ŋa kina kan, ni ga li kpa limɔfal. Min le ye Uwumbɔr.”

Matiu 19:17

Le Yesu baa u, “Ba pu aa baa mi litunyaan pu? Uwumbɔr baanja le ŋan. Aa yaa ban limɔfal li kaa kpa ndoon na kan, kii waakaal.”

Tibɔnyaan ti Mak ŋmee ti na 12:34

Le Yesu bee ke u len nlan aabɔr la. Le u bui u, “Saa daa Uwumbɔr aanaan ni.” Baah len tibɔr ngbaan doo na, ubaa aa ki kaa u baa Yesu mbaan kpee.

Tibɔnyaan ti Luk ŋmee ti na 7:43

Le Simonn bui u, “Waah di cha pinn unii u aapɔln wiir na le ga li gee u ki jer u aapɔln kaa wiir na.” Le Yesu bui u, “Aa len mbamɔn la,”

Rom Yaab 10:4

Kristo fuu ni ke binib bi gaa u ki kii na aabɔr li ŋan. Naa ye ke baah dii nkaal pu na le cha baabɔr ŋan.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Rom Yaab 7:10

Uwumbɔr nan tii timi waakaal ke ti dii mu, aan ki kan limɔfal. Le m bee ke maah kaa ŋmaa joo waakaal mɔmɔk na, m ŋeer nkun.

Galantiya 3:12

Moses aakaal bi, le ki cha naadii mu bi. Nkaal ngbaan len ke unii u dii mu mbamɔm na ga li kpa limɔfal.

Ikaal 6:24

Uma Tidindaan Uwumbɔr bui timi ke ti li joo waakaal ngbaan mɔmɔk mbamɔm, ki li pak u, ke ti yaa ŋa kina kan, u ga li kii timi aatimbol, aan ki cha li li kpa tiwan mɔmɔk,