Tibɔnyaan ti Luk ŋmee ti na 10:16 - Uwumbɔr aagbaŋ

¹⁶ Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

UWONBƆR A GBƆNPƆŊ LIKƆƆNL

¹⁶ “Wan gbir ni bɔr ke u gbir n bɔra; wan yii kaa gbir ni bɔr ke, u yii n mu a bɔra; amaa wan mu yii n bɔr ke, u yii Uwonbɔr wan tunim a bɔra.”

Tibɔnyaan ti Luk ŋmee ti na 10:16 ပူးပေါင်းရင်းမြစ်များ

Nnyam 16:7

Kichakpiik ni, ni ga kan Uwumbɔr aajinjiir aawiihn. U ŋun naah len tibɔbir u pu pu na. Mbamɔn, ni len uma la, naa ye timi; tima joo waamɔbon le tuk nimi.”

Nnyam 16:8

Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Nkahm 14:2

Bi nan len Moses ni Aaronn tibɔr ti kaa ŋan na ki bui ke, “Ti yaa ba kpo Ijipt aatiŋ ni, bee nteersakpiin ni do kan, ni ba soor.

Nkahm 16:11

Aa ni saanib ngbaan aah bi galni Aaronn buyoonn na, Uwumbɔr le ni bi galni.”

Matiu 10:40

“Unii yaa gaa nimi maanib kan, u gaa mi le na. Unii yaa gaa mi kan, u gaa Uwumbɔr u tun ni mi na le na.

Matiu 18:5

Unii umɔk gaa ubo umina aaboln maayimbil pu na, u gaa mi le na.”

Tibɔnyaan ti Mak ŋmee ti na 9:37

“Unii umɔk gaa ubo umina aaboln maayimbil pu na, u gaa mi le na. Unii umɔk gaa mi na, naa ye mi baanja le u gaa, u gaa Uwumbɔr u tun ni mi na la.”

Tibɔnyaan ti Luk ŋmee ti na 9:48

le ki tuk bi, “Unii umɔk gaa ubo wee maayimbil pu na kan, u gaa mi le na. Unii umɔk gaa mi na kan, u gaa Uwumbɔr u tun ni mi na le na. Unii u ye uwaatiir ni ponn ni na, uma le ye uninyuun.”

Jɔnn 12:44

Le Yesu teen ke, “Unii umɔk gaa mi ki kii na kan, naa ye min baanja le u gaa ki kii, u gaa u tun ni mi na mu ki kii.

Jɔnn 12:48

Unii umɔk yii mi, kaa gaa maaliin na kan, tiwan nibaa bi ki ga mɔk ke waabɔr bii a. Kookoo aataadaal kan, maaliin le ga mɔk ke waabɔr bii,

Jɔnn 13:20

M tuk nimi mbamɔn la, unii yaa gaa maah ga tun unii u na, u gaa mi le na. Unii yaa gaa mi kan, u gaa Uwumbɔr u tun ni mi na le na.”

Lituln 5:4

Kisaak ngbaan aah nan bi aa chee na, ki nan ye siyaan la. Saah kooh ki na, ŋimombil ngbaan mu ye siyee la. Ba ŋa aa dak aasui ni ke aa ga ŋa kina? Saa mɔn nnyamɔn ki tuk binib baanja. Uwumbɔr le aa mɔn nnyamɔn tuk u.”

Galantiya 4:14

Le ni ŋa mi tibulchinn, kaa lik mi fam, kaa yii mi ke m ye iween aanii. Ni nan gaa mi ke naah ba ga gaa Uwumbɔr aatuun, bee Yesu Kristo pu na.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.