Tibɔnyaan ti Luk ŋmee ti na 10:15 - Uwumbɔr aagbaŋ

¹⁵ Nimi Kapenaum aatiŋ aanib ma kan, bi ga yoor nimi paacham aa? Aayii. Bi ga sunn nimi tataab tataab la.”

UWONBƆR A GBƆNPƆŊ LIKƆƆNL

¹⁵ Nim Kapeniɛm yaab, Uwonbɔr li don ni papaab baa? Aai, u na yin jiin ni Kitakpiin tiŋ le.”

Tibɔnyaan ti Luk ŋmee ti na 10:15 ပူးပေါင်းရင်းမြစ်များ

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

Aisaya 5:14

Kitekpiitiŋ ka waa bumɔb kii bi la, ki ga nab Jerusalem aaninyuum na, ni baanib, ni binib bi nyu ndaan ki kpa kifuuk na mɔmɔk.

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Esekiel 26:20

M ga kunn si kitekpiitiŋ ni, le aa ni binib bi nan bi n‑yaayoonn na ti li koo. M ga cha aa bee taab aatiŋ aalangbenkpok ngbaan ni, aan aa ni bitekpiib ti li bi tɔb chee. Kina pu na, ubaa aan ki gir koo aa ponn ni aan aa ki kan saapepel binifuub chee.

Esekiel 31:18

“Busub ngbaan le ye Ijipt aabɔr ni waanib mɔmɔk. Hali isui i nan bi Edenn aatiŋ ni na aa nan fɔk ki kpa kina aanyaan. Tɔ, n‑yoonn mue na, bu ga sunn kitekpiitiŋ ni ke Edenn aatiŋ aasui na, ki ti kpee binib bi kaa nyi Uwumbɔr na, ni baah ku binib bi butɔb ponn ni na pu. Dindaan Uwumbɔr le len kina.”

Esekiel 32:18

U nan bui ke, “Unibɔn, li wii Ijipt aanib mɔmɔk pu. Di bi ni ŋitimbol ŋi kpa mpɔɔn sakpen na buen kitekpiitiŋ ni.”

Esekiel 32:20

“Ijipt aatiŋ aanib, ni binib bi kpoi butɔb ni na ga kpaan lir. Kijaak aajuk gor ke ki ku bi mɔmɔk.

Esekiel 32:27

Baa nan sub bi liyimbil aasum ke baah nan sub n‑yaayoonn na aajakaab bi bi nan di baajawan sub bi chee aan bi di buen kitekpiitiŋ ni na. Baajaak aajum nan kul biyil, le baajaak aapen bii biwon pu. Bijakaab bimina nan kpa mpɔɔn n‑yoonn mubaa, ki nan cha ijawaan chuu binifuub.

Obadia 1:4

Hali ni yaa di nimi aadichal ti maa paachapaacham ke likaagiil aadir na, aan ŋi daa ke iŋmabi na kan, m ga ŋmaa daa ker nimi lii ni taab.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Matiu 11:23

Nimi Kapenaum aatiŋ aanib, bi ga yoor nimi paacham aa? Aayii. Bi ga sunn nimi kitekpiitiŋ ni; ba pu? m yaa ba nan tun lijinjiir aatun Sodom aatiŋ ponn ni ke maah tun ni ponn ni pu na kan, kitiŋ ngbaan ba ga li bi ki nan saa dandana wee.

Matiu 4:13

U nan cha Nasaref le ki buen ti kal Kapenaum, kitiŋ ki bi nnyusakpem chee na ni. Ki ye Sebulunn aanib ni Naftali aanib aatiŋ la.

Tibɔnyaan ti Luk ŋmee ti na 13:28

Le u ga jenn nimi. Le ni ga li waa Abraham, ni Aisak, ni Jakob, ni Uwumbɔr aabɔnabtiib mɔmɔk Uwumbɔr aanaan ni. Ni ga li bi lipaal, ki wii ki ŋman ŋinyin nima chee.

Tibɔnyaan ti Luk ŋmee ti na 16:23

Le uwankpadaan ngbaan mu nan kpo. Le binib di u ti sub. Waah kpo na, le u ti bi mmii mu kaan junn na ni, ki ji falaa sakpen, le ki waan lik paacham, ki waa Abraham dandar, ki waa Lasarus mu bi u chee nima.

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

2 Piita 2:4

Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.