Tibɔnyaan ti Luk ŋmee ti na 1:71 - Uwumbɔr aagbaŋ

⁷¹ U nan puu tipuur ke u ga nyan timi, timi aadim aaŋaal ni, ni bimɔk nan timi na aaŋaal ni, aan ti ŋmar.

UWONBƆR A GBƆNPƆŊ LIKƆƆNL

⁷¹ Ke u li nyan tim ti dataam a nɔɔn, nin ban biɛn nan ti nan a nɔɔn.

Tibɔnyaan ti Luk ŋmee ti na 1:71 ပူးပေါင်းရင်းမြစ်များ

2 Bibɔrb 17:39

Ni kii min Nidindaan Uwumbɔr aamɔb, le m ga gaa nimi, nimi aadim chee lii.”

Ilahn 106:10

U nan gaa bi binib bi kaa gee bi na chee lii; u nan gaa bi baadim chee lii.

Ilahn 106:47

Tidindaan Uwumbɔr, gaa timi lii, ki nyan ni timi ŋitimbol ngbaan ni ki giin ni, aan ti ga li kpa idoon ki pak saayimbil li bi chain na.

Jeremia 23:6

U yaa nan ŋa ubɔr kan, Juda aanib ga kan lifuur, le Israel aanib kan nsuudoon. Bi ga li yin u ke ‘Uwumbɔr u gaal timi lir na’ la.”

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Esekiel 28:26

Bi ga li bi nima lifuur ni la. Bi ga maa ŋidichal ki ko ŋisubil aasar. M ga daa ŋitimbol ŋi nan lik bi fam na aatafal, le Israel aatiŋ ga kan nsuudoon. N‑yoonn ngbaan le bi ga bee ke min le ye Bidindaan Uwumbɔr.”

Esekiel 34:25

M ga puu tipuur ti ga mɔk ke i ga li bi ŋŋmarm ni na tii i. M ga jenn nyan tipeewanbir mɔmɔk kitiŋ ngbaan ni, aan maapiih ga ŋmaa li bi ikpaakon, ni ŋŋmarm ni, ki doo tichoor ni.

Esekiel 34:28

Ŋitimbol ŋi kaa nyi Uwumbɔr na aan ki yoor baawangol buen, le tipeewanbir mu aan ki ku bi ki ŋmɔ bi. Bi ga li bi ŋŋmarm ni, le ubaa aan ki cha ijawaan chuu bi.

Esekiel 38:8

Ŋibin pam aapuwɔb le m ga bui u ke u ti di butɔb koo kitiŋ ki aanib nyan ni ŋitimbol pam ni ki gir ni, kaa nyi butɔb aajawan aan ni yunn na ni. U ga koo Israel aajoo ŋi bi nan san cha ŋi aan ŋi doon nkuun ki yunn, ki mu gur kpa binib bi bi lifuur ni na ni.

Tibɔnyaan ti Luk ŋmee ti na 1:68

“Cha ti pak Tidindaan u ye timi Israel yaab Aawumbɔr na. U dan nan ter waanib, ki nyan bi tinaagbiir ni,

Tibɔnyaan ti Luk ŋmee ti na 1:74

ke u ga nyan timi, timi aadim aaŋaal ni, aan ti dii u ki taa li san ijawaan,

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.