Tibɔnyaan ti Luk ŋmee ti na 1:7 - Uwumbɔr aagbaŋ

⁷ Baa nan kpa ubo. Elisabef nan ye upiiŋoob la. Bi mɔmɔk mu nan por la.

UWONBƆR A GBƆNPƆŊ LIKƆƆNL

⁷ Amaa baa nan jɔɔ kibigi. Elizabef nan ye upiiŋɔɔb le, bi biɛn mu nan pora.

Tibɔnyaan ti Luk ŋmee ti na 1:7 ပူးပေါင်းရင်းမြစ်များ

Mpiin 17:17

Abraham nan gbaan Uwumbɔr aanimbiin ni, le unimbil kpaa kitiŋ, tɔ, u nan piin ki laa usui ni, ki dakl ke, “Uja yaa ti saa ŋibin nkub kan, u ga ŋmaa maa ubo oo? Sara aah ti saa ŋibin imonko inaa ni kipiik na, u ga ŋmaa maa ubo oo?”

Mpiin 18:11

Abraham ni upuu Sara nan por pam, le Sara aa nan ki fu tipiir.

Mpiin 25:21

Rebeka aah nan bi ki yunn kaa ma pu na, le uchal Aisak nan mee Uwumbɔr tii u. Le Uwumbɔr nan ŋun waameel ngbaan ki cha Rebeka dek lipuul.

Mpiin 30:1

Tɔ, Rachel aa nan ma ubo tii Jakob, nima pu na, u nan kpa ukpel Lea pu lipiipoln, le ki bui uchal Jakob ke, “Aa yaa kaa tii mi mbim kan, m ga kpo.”

1 Bibɔrb 1:1

Ubɔr David nan por sakpen, le waatutum nan joo ŋikeken ŋi nyuun na biini u pu, ŋi mu aa nan ŋmaa lee u tiwoor.

2 Bibɔrb 4:14

Le Elaisa baa Gehasi ke, “M ga ŋa ba tii u?” Le u gar u ke, “Tɔ, waa kpa ubijabo, uchal mu por.”

Tibɔnyaan ti Luk ŋmee ti na 1:5

Buyoonn Herod nan ye Judea aatiŋ aabɔr na, le Uwumbɔr aatotoor ubaa nan bi, bi nan yin u ke Sekaria. U nan ye Abija aamaal ponn ni aanii la. Upuu aayimbil nan ye Elisabef. U mu nan ye Uwumbɔr aatotoor Aaronn aamaal ponn ni aanii ubaa la.

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Tibɔnyaan ti Luk ŋmee ti na 1:8

Uwumbɔr aatotoorb aakaal aah dii pu na, le bi lee Sekaria, u ti koo Uwumbɔr Aadichal ni ki see tulalee aayon. Waayoonn aah fuu ni na, le u koo Uwumbɔr Aadichal ni, u ti tun lituln limina.

Rom Yaab 4:19

Ni nan gur siib u pii ŋibin nkub. Waah nan por pu na, ni nan naahn ke waan ki ŋmaa maa ubo. Upuu Sara mu nan jer timar. Le Abraham pak Uwumbɔr aah tuk u pu na, kaa joo beeni.

Hiibru Yaab 11:11

Abraham aapuu Sara mu nan tii Uwumbɔr naadii, nima le nan cha u kan mpɔɔn ke u dek lipuul, buyoonn u jer timar na. Ba pu? u nan pak ke Uwumbɔr ga ŋa waah puu tipuur ti na.

1 Samuel 1:2

Elkana nan kpa bipiib bilee la, bi nan yin ubaa ke Hana, ki yin uken ke Penina. Penina nan kpa bibilb, le Hana ma aa nan kpa ubaa.