Tibɔnyaan ti Luk ŋmee ti na 1:66 - Uwumbɔr aagbaŋ

⁶⁶ Ni nan ŋa binib bimɔk ŋun ti na ilandak. Le bi baa ke, “Ubo ngbaan ga li ye ba aanibol?” Ba pu? Uwumbɔr aaŋaal nan bi u pu.

UWONBƆR A GBƆNPƆŊ LIKƆƆNL

⁶⁶ Ni nan ŋa bininfob ban biɛn nan gbir nan ipotiɛ pam. Le bi baan ke, “Kibig nmɔn yin ye ninfo bolin baa?” Nan bu-n Uyudaan a nɔɔ paa u bu.

Tibɔnyaan ti Luk ŋmee ti na 1:66 ပူးပေါင်းရင်းမြစ်များ

Mpiin 37:11

Le Josef aakpetiib nan kpa lipiipoln u pu; ute ma nan bi dakl tibɔr ngbaan pu n‑yoonn mɔmɔk.

Mpiin 39:2

Le Uwumbɔr nan bi Josef chee ki cha u tun lituln mbamɔm. Le u nan bi Ijipt aaninkpel ngbaan do,

1 Bibɔrb 18:46

Uwumbɔr aapɔɔn nan sunn ni Elaija pu; le u di waawanpeenkaan fin uchaŋ ni kin kin, le ki san ti jer Ahab pu kina ki ti fuu Jesreel aatiŋ ni.

Ilahn 119:11

M joo saakaal nsui ni, ke m taa tun si titunwanbir.

Ilahn 80:17

Li kii ki kaan binib bi aa lee aan bi ye linibol li aa tii mpɔɔn na.

Ilahn 89:21

Maapɔɔn ga li bi u chee n‑yoonn mɔmɔk, maapɔɔn le ga tii u mpɔɔn.

Tibɔnyaan ti Luk ŋmee ti na 1:80

Le ubo ngbaan muun, ki dii Uwumbɔr ni usui mɔmɔk, le ki nan bi nteersakpiin ni, ki ti saa buyoonn u piin ki bi tuk Israel yaab Uwumbɔr aabɔr na.

Tibɔnyaan ti Luk ŋmee ti na 2:19

Mari le teer tibɔr timina mɔmɔk, ki dakl lik taatataa usui ni.

Tibɔnyaan ti Luk ŋmee ti na 2:40

Le ubo ngbaan muun, ki moo kan mpɔɔn, ki kpa nlan sakpen. Le Uwumbɔr aanyoor nan bi u pu.

Tibɔnyaan ti Luk ŋmee ti na 2:51

Le u dii bi ki gir Nasaref aatiŋ ni, le ki kii bimɔi. Le una joo tibɔr timina mɔmɔk usui ni.

Tibɔnyaan ti Luk ŋmee ti na 9:44

“Bi ga di min Unibɔn Aabo ŋa binib aaŋaal ni la. Cha tibɔr timina koo nitafal ni man.”

Lituln 11:21

Tidindaan aapɔɔn nan bi bi chee, le binib pam gaa Tidindaan ki kii, ki kpeln baabimbin, ki dii waasan.

Kolosiya 1:5

ba pu? ni kpa limakl ke ni ga nan kan Uwumbɔr aah di tiwan ni siin nimi paacham na. Ni ŋun ni pu buyoonn ni ŋun tibɔnyaan ti fuu ni ni chee ki ye mbamɔn na chee la.

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.