Tibɔnyaan ti Luk ŋmee ti na 1:6 - Uwumbɔr aagbaŋ

⁶ Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

UWONBƆR A GBƆNPƆŊ LIKƆƆNL

⁶ Zakariya nin u poo biɛn nan ye bininfoŋam le Uwonbɔr ban, ki nɔɔ u kaal nin u siim biɛn.

Tibɔnyaan ti Luk ŋmee ti na 1:6 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 6:9

Nowa nan dii Uwumbɔr mbamɔm. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n‑yoonn ngbaan. Uma le nan dii Uwumbɔr mbamɔm.

Mpiin 7:1

Le Uwumbɔr bui Nowa ke, “Aa ni aapuu, ni aajapɔtiib, ni aabipuutiib, ni mɔmɔk koo buŋɔb ngbaan ponn ni. M kan ke sin baanja le bi dulnyaa wee aanib ponn ni ki ŋani ni ŋan na.

1 Bibɔrb 15:5

David aah nan tun ŋitun ŋi piin Uwumbɔr aasui, kaa yii waah tuk u pu na pu, le u nan ŋa kina. David aataani ubaa u, u nan tun na le ye Hef aanii Uria aabɔr na baanja.

1 Bibɔrb 9:4

Aa yaa di ibamɔn, ni mbimbinyaan dii mi, ke aate David na, ki joo maakaal, ki ŋani maah bui si pu na mɔmɔk kan,

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

2 Bibɔrb Aabɔr 17:4

U nan dii ute Aawumbɔr la, le ki kii Uwumbɔr aakaal, kaa tun Israel yaab aabɔrb aah tun pu na.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 1:8

Le Uwumbɔr ki baa u ke, “Aa kan maatutunn Job aah bi pu na aan saa kan u? Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir.”

Ilahn 119:6

M yaa kpa saamɔbon pu ntafaŋum kan, maan ji inimɔɔn daalbaadaal.

Tibɔnyaan ti Luk ŋmee ti na 1:7

Baa nan kpa ubo. Elisabef nan ye upiiŋoob la. Bi mɔmɔk mu nan por la.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Tibɔnyaan ti Luk ŋmee ti na 2:25

Uja ubaa nan bi Jerusalem aatiŋ ni. Bi nan yin u ke Simeonn. U nan ye uninyaan la, ki dii Uwumbɔr aakaal mɔmɔk mbamɔm, ki lik bundaln Uwumbɔr ga nyan Israel yaab baafalaa ni na. Uwumbɔr Aafuur Nyaan nan bi u chee,

Lituln 2:25

Ubɔr David nan len Yesu aabɔr ke, ‘M nan kani Tidindaan m chee n‑yoonn mɔmɔk. U bi ŋŋangii wɔb, ki biin m pu, ke tiwan nibaa taa muk mi.

Lituln 23:1

Le Pɔɔl lik bi, ki len ke, “Nnaabitiib, m bee nsui ni ke maabimbin le ŋan Uwumbɔr chee ki nan saa din.”

Lituln 24:16

N‑yoonn mɔmɔk m pɔɔni mbaa ke m taa li kpa taani Uwumbɔr ni binib chee.

Lituln 8:21

Aasui aa ŋan Uwumbɔr chee. Aaŋaal aa bi waabɔnyaan ni.

Rom Yaab 8:4

ki tii timi bi dii Waafuur Nyaan kaa ki dii mbimbikpok na mpɔɔn ke ti li dii waakaal mbamɔm.

1 Korenti 11:2

M pak nimi; ba pu? ni teer mi tiwan mɔmɔk ponn ni, ki ŋani maah mɔk nimi pu na la.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

Filipi 2:15

aan ki li ye Uwumbɔr aabim bi kaa kpa taani, kaa kpa ngalm na. Ni bi titunwanbirdam aakaasisik ni la. Ni li bi ke nwiihn na le dulnyaa wee ni ki wiin bikaasisik ni,

Kolosiya 1:22

le dandana wee u cha ni ni uma ŋa kijɔtiik; ba pu? Ujapɔɔn nan kpo ni pu la. U nan kpo ni pu, ke ni li bi chain, ki li ye bininyaam, ki taa li kpa ngalm mubaa, bundaln u ga di nimi siin Uwumbɔr aanimbiin ni na.

1 Tesalonika 3:13

U tii nimi mpɔɔn ke ni li bi chain ki taa li kpa taani ubaa Tite Uwumbɔr aanimbiin ni, bundaln Tidindaan Yesu ni waanib mɔmɔk ga gir ni na.

2 Piita 3:14

Maanigeekaab, naah kpa limakl kina na, ni li pɔɔni nibaa ki li bi suuna, ki li bi chain, ki taa li kpa taani ubaa Uwumbɔr chee bundaln u ga lik nimi aabimbin aah bi pu na.

1 Jɔnn 2:29

Ni nyi ke Yesu ye mbamɔndaan la. Nima pu le ni bee ke unii umɔk ŋani ni ŋan na ye Uwumbɔr aabo.

1 Jɔnn 2:3

Ti yaa kii Uwumbɔr aamɔb kan, nima le cha ti bee ke ti nyi u.

1 Jɔnn 3:7

Maabim, taa cha unii ubaa ŋmann nimi. Unii umɔk ŋani ni ŋan na, udaan ye unibamɔnn ke Yesu aah ye unibamɔnn pu na la.