Tibɔnyaan ti Luk ŋmee ti na 1:51 - Uwumbɔr aagbaŋ

⁵¹ U mɔk binib waapɔɔn, ki jenn kalmbaanidam bi dak ke bi ye bininyuum na.

UWONBƆR A GBƆNPƆŊ LIKƆƆNL

⁵¹ U ta u nɔɔ ki tun itoon gbingbem; ki worin kalanbaanidam baah tiɛr man bi sufu ni!

Tibɔnyaan ti Luk ŋmee ti na 1:51 ပူးပေါင်းရင်းမြစ်များ

Mpiin 11:8

Le Uwumbɔr nan cha bi len tɔb chee iliin kaa ki ŋun tɔb aaliin, le ki yaa buen dulnyaa wee mɔmɔk ni, kaa ki maa kitiŋ ngbaan doo.

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Ilahn 118:15

Li pel Uwumbɔr aanib aakookoo yaan ponn ni linyaŋ aapopiin aafuuk aah nyani pu na ke, “Uwumbɔr di waapɔɔnsakpiin na nyaŋ;

Ilahn 33:10

Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 52:9

Uwumbɔr, m ga li dooni si n‑yoonn mɔmɔk saah ŋa pu tii mi na pu. Saanib aanimbil ni le m ga len ke aa ŋan.

Ilahn 63:5

M ga bab ke maah jin tijikaar ti ŋan sakpen na le na, le m ga gaa mpopiin aalahn ki pak si.

Ilahn 89:10

Aa wɔb kipeewanbiik Rahab, ki ku ki; aa di saapɔɔn sakpiin le nyaŋ saadim.

Ilahn 89:13

Saapɔɔn nyaŋ a. Aa kpa mpɔɔn sakpen a.

Ilahn 98:1

Gaa nlahnpɔɔn tii Uwumbɔr man; u tun ŋitukpaan; u di ubaa aapɔɔn mu bi chain na le kan linyaŋ.

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Aisaya 40:10

Tidindaan Uwumbɔr choo ke u nan di mpɔɔn joo waanib, ki joo ni binib bi u gaa bi lii na.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Jeremia 49:15

Uwumbɔr ga cha aa taa ki li kpa mpɔɔn, le ubaa aan ki li pak si.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

2 Korenti 10:5

ki nyaŋ binib bi kpa kalmbaani ki dak ke bi kpa nlan ki jer Uwumbɔr na. Ti cha ilandak mɔmɔk kii Kristo aamɔb.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”