Tibɔnyaan ti Luk ŋmee ti na 1:28 - Uwumbɔr aagbaŋ

²⁸ Le Uwumbɔr aatuun ngbaan fuu ni Mari chee ki doon u, le ki bui u, “Uwumbɔr ŋa si tibulchinn sakpen a, ki bi aa chee, ki ŋa tinyoor ŋa aa pu ki jer waah ŋa bipiib mɔmɔk pu na.”

UWONBƆR A GBƆNPƆŊ LIKƆƆNL

²⁸ Le malaka nan tan foo Meri ban ki bei u ke, “N pooriŋ. Fin wan wee Uwonbɔr a nyɔɔr be a bu takpem nan, Uyudaan be niŋ.”

Tibɔnyaan ti Luk ŋmee ti na 1:28 ပူးပေါင်းရင်းမြစ်များ

Aisaya 43:5

Taa san ijawaan man, m bi ni chee. Ki nya liwipuul ki ti saa liwilir li bi dandar na, m ga giin nimi aanib kun ni linampal.

Daniel 10:19

Le u bui mi ke, “Uwumbɔr gee si, kina pu na, taa cha nibaa li muk si, bee ni faan si.” Waah ki len kina na, le nwon moo pɔɔk sakpen, le m bui ke, “Maaninkpel, tuk mi saah kpa pu aa len na. Aa cha nwon chuu a.”

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Matiu 12:48

Le u baa bi, “Ŋma ye nna? Bilabi ye nnaatiib?”

Tibɔnyaan ti Luk ŋmee ti na 1:27

ke u buen usapɔɔn ubaa chee, bi yin u ke Mari. Waa nyi uja. Bi nan puu ke bi ga tii u tichar. Bi yin uchal Josef, u ye Ubɔr David aamaal ponn ni aanii ubaa la.

Tibɔnyaan ti Luk ŋmee ti na 1:29

Waah len kina na, le ni gar Mari sakpen. Le u dakl lik waah len pu na aatataa.

Tibɔnyaan ti Luk ŋmee ti na 1:30

Le u ki bui u, “Mari, taa san ijawaan. Uwumbɔr ŋa si tibulchinn la.

Tibɔnyaan ti Luk ŋmee ti na 1:42

Le u len mpɔɔn pu ki bui Mari, “Uwumbɔr ŋa tinyoor ŋa aa pu ki jer waah ŋa bipiib mɔmɔk pu na, ki ŋa tinyoor ŋa ubo u bi aaponn ni na mu la.

Lituln 18:10

M bi aa chee. Ubaa aan ŋmaa ŋa si nibaa. Kitiŋ kee ponn ni, binib pam ye maanib la.”

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Bibɔjirb 5:24

Upiiyinyaan daan le ye Jael u aachal ye Kenn aanii Heber na, uma le ye upiiyinyaan daan u koo ŋikeken aaboo ni na.

Bibɔjirb 6:12

Uwumbɔr aatuun ngbaan nan di lil u pu nima ki bui u ke, “Ujakaandaan, mpɔɔndaan, Uwumbɔr bi aa chee.”

Ruf Aagbaŋ 2:4

Puwɔb le Boas ubaa nan nyan Betlehem ki fuu ni, ki nan doon bidicheeb ngbaan. U nan doon bi ke, “Uwumbɔr bi ni chee.” Le bi kii u ke, “Uwumbɔr ŋa waanyoor ŋa aa pu.”