Tibɔnyaan ti Luk ŋmee ti na 1:25 - Uwumbɔr aagbaŋ

²⁵ le ki bui ke, “Uwumbɔr lik maah bi pu na la, le ki ŋa mi tibulchinn kina ki tii mi, ki nyan mi inimɔɔn ni.”

UWONBƆR A GBƆNPƆŊ LIKƆƆNL

²⁵ le ki nan nan bei ke, “Ni niɛ nan le Uwonbɔr tun seim, ki sam kunyunyunbaag ki nyam ifa-n.”

Tibɔnyaan ti Luk ŋmee ti na 1:25 ပူးပေါင်းရင်းမြစ်များ

Mpiin 25:21

Rebeka aah nan bi ki yunn kaa ma pu na, le uchal Aisak nan mee Uwumbɔr tii u. Le Uwumbɔr nan ŋun waameel ngbaan ki cha Rebeka dek lipuul.

2 Samuel 6:23

Tɔ, Sɔɔl aabisal, Mikal, aa nan ma ubo kpala.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 4:1

N‑yoonn ngbaan yaa nan fuu ni kan, bipiib bilole ga buen ti bub chuu ujabaan ki bui u ke, “Ti ga ŋmaa kpiin tibaa ki mu gbab tibaa, aa mu tee cha ti li yin si ke tichal, aan ki nya maakpayal aanimɔɔn ni.”

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:24

Ni bi ki cha, le upuu Elisabef dek lipuul, ki di ubaa bɔr iŋmal iŋmu,

Hiibru Yaab 11:11

Abraham aapuu Sara mu nan tii Uwumbɔr naadii, nima le nan cha u kan mpɔɔn ke u dek lipuul, buyoonn u jer timar na. Ba pu? u nan pak ke Uwumbɔr ga ŋa waah puu tipuur ti na.

Bibɔjirb 11:37

U nan tee mee ute ke, “Ŋa tiwan nee tii mi. Cha m li bi mbaa pu iŋmal ilee, aan m ni nnaakoon tiib ga ŋmaa dii buen ŋijoo ni, ki ti wii maah ga kpo kaa nyi uja na pu.”

1 Samuel 1:6

Uyɔnn Penina nan ŋani u mbiin ni mbɔnyun, ba pu? Uwumbɔr aa nan tii u ubo.