Tibɔnyaan ti Luk ŋmee ti na 1:20 - Uwumbɔr aagbaŋ

²⁰ Ni yaa nan ŋeer kan, maah len pu na ga gbiin. Saah kaa pak maah len pu na, le aa ga ŋa ubir, kaan ki ŋmaa len tibɔr ki ti saa buyoonn tiwan nimina ga ŋa na.”

UWONBƆR A GBƆNPƆŊ LIKƆƆNL

²⁰ Le daandaan nan a li bir ki tan kpaa lidaal lan wee tibɔr nan na li ŋa ibamɔn. Ŋaah kaa ŋa n bɔr tan wee n pagin yada-n, tan na li ŋa ibamɔn n-yonn man kpaan.”

Tibɔnyaan ti Luk ŋmee ti na 1:20 ပူးပေါင်းရင်းမြစ်များ

2 Bibɔrb 7:19

Waah len kina na, le uninkpel ngbaan mu len ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

2 Bibɔrb 7:2

Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

Nnyam 4:11

Le Uwumbɔr bui u ke, “Ŋma tii unii bumɔb? Ŋma cha unii ye utafakpaa, bee ubir? Ŋma tii unii ŋinimbil, ki ki cha u ŋani ujoon? Min Uwumbɔr le ŋani kina.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Esekiel 24:27

Liyaadaal baan ngbaan le aa ga ki kan saah lann libɔlen aapɔɔn mu na, le aa ga len udaan chee tibɔr. Kina le aa ga li ye limɔkl ki tii binib ngbaan, le bi ga bee ke min le ye Uwumbɔr.”

Esekiel 3:26

M ga cha aalambil kpal aan aa taa ŋmaa sak bimɔyiib ngbaan.

Daniel 10:15

Waah len kina na, le m si lik kitiŋ, kaa ŋmaa waar mmɔb ki len tibaa.

Nkahm 20:12

Uwumbɔr nan ki bui Moses ni Aaronn ke, “Naah kaa gaa mi ki kii mbamɔm, ki yii, kaa ban ni mɔk binib ngbaan maapɔɔn mu bi chain na pu na, maan cha ni di bi koo kitiŋ ki ponn ni m puu ke m ga di tii bi na ni.”

Tibɔnyaan ti Mak ŋmee ti na 16:14

Nimina aapuwɔb, le waadidiliib kipiik ni ubaa ka ji tijikaar. Baah bi ji na, le Yesu di ubaa mɔk bi, le ki kae bi, ke ba ŋa baa pak binib bi kan u, waah fikr nkun ni aapuwɔb na aah len pu na, ke bitafal le pɔɔ. Baa gaa u ki kii mbamɔm.

Tibɔnyaan ti Mak ŋmee ti na 9:19

Le Yesu bui bi, “Nimi dandana aanib, naa gaa Uwumbɔr ki kii. Ni ban ke m yunn ni chee kinye pu, aan ki li kpa limɔr ni pu, aan ni gaa Uwumbɔr ki kii. Li joo ni ubo ngbaan m chee.”

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Tibɔnyaan ti Luk ŋmee ti na 1:21

Le kinipaak ngbaan si lipaal, ki si kii buyoonn Sekaria ga nya ni Uwumbɔr Aadichal ni na. U nan yunn kaa nyan ni, le ni gar bi pam.

Tibɔnyaan ti Luk ŋmee ti na 1:22

Waah nan nyan ni na, waa ŋmaa len bi chee tibɔr. Nima le cha bi bee ke u kan lijinjiir aawan Uwumbɔr Aadichal ni. Le u beenin len libir, kaa ŋmaa len tibɔr.

Tibɔnyaan ti Luk ŋmee ti na 1:45

Si u gaa Uwumbɔr ki kii na, u ŋa tinyoor ŋa aa pu la, ki ga ŋa waah nan tuk si ke u ga ŋa pu na.”

Tibɔnyaan ti Luk ŋmee ti na 1:64

Libuul ngbaan ni le Sekaria aalambil lɔkr. Le u piin ki bi len ki pak Uwumbɔr.

Rom Yaab 3:3

Bi ponn ni bibaa yaa kaa gaa Uwumbɔr ki kii kan, ni ye ba? Baah kaa gaa u ki kii na, Uwumbɔr aan gbiin waa puu tipuur ti na aa?

2 Timoti 2:13

Ti yaa kaa ye mbamɔndam kan, uma beenin ye mbamɔndaan la, waan ŋmaa yii uma ubaa aabimbin.”

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.