Lituln 9:38 - Uwumbɔr aagbaŋ

³⁸ Jɔpa aatiŋ, ni Lida aatiŋ aa daa tɔb. Le Yesu aadidiliib bi bi Jɔpa aatiŋ ni na ŋun ke Piita bi Lida aatiŋ ni. Le bi tun bijab bilee, ke bi ti yin ni Piita, ke u pɔɔn ubaa ki dan mala.

UWONBƆR A GBƆNPƆŊ LIKƆƆNL

³⁸ Jopa nin Liida kaa nan fɔg nin tabi, le Yisa a bɔɔnɔɔb ban be Jopa gbir ke Piita be Liida, le bi tun bijab bilee u ban ke bin tan balin u ke “Ti baliŋ le ŋa weema ki dan!”

Lituln 9:38 ပူးပေါင်းရင်းမြစ်များ

2 Bibɔrb Aabɔr 2:16

Lebanonn aajoo ponn ni le ti ga gaa saah ban santina aadɔ i na mɔmɔk, ki buu i tam tɔb lipapaln, le ki di deen ni nnyusakpem ni ki nan saa Jopa aatiŋ mɔk. Aa ga ŋmaa nyan i nima ki di buen Jerusalem.”

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Jona 1:3

Le Jona nan tee fii ki di toŋ nibaa wɔb ke u bɔr Uwumbɔr. U nan di buen Jopa aatiŋ ni la, nima chee le u ti kan buŋɔb bu cha Speenn aatiŋ ni na. U nan pan le ki koo bu ponn ni, biŋɔŋaab chee, ke bi buen Speenn aatiŋ ni, nin chee Uwumbɔr aan ki kan u na.

Lituln 10:5

U ban ke aa cha bijab bibaa buen Jɔpa aatiŋ ni, ki ti yin ni uja ubaa, bi yin u ke Simonn Piita.

Lituln 10:8

Konelius nan tuk bi waah kan pu na mɔmɔk, le ki tun bi, ke bi buen Jɔpa aatiŋ ni.

Lituln 11:13

Le Konelius tuk timi ke u nan kan Uwumbɔr aatuun si udo ki tuk u ke u cha binib buen Jɔpa aatiŋ ni, ki ti yin uja ubaa, bi yin u ke Simonn Piita,

Lituln 11:26

le ki ti kan u, ki di u dan Antiok aatiŋ ni. Libimɔln le Banabas, ni Sɔɔl, ni Yesu aanib nan kuuni nima chee; le bi tuk binib pam Uwumbɔr aabɔr, Antiok aatiŋ ni, le bi naan Yesu aadidiliib liyimbil lee, ke Kristo Yaab.

Lituln 11:5

“M nan bi Jɔpa aatiŋ ni, ki bi mee Uwumbɔr, le ni ŋa mi ke tidaŋ pu na, le m kan tiwan nibaa nyan ni paacham. Ni naahn likekeln, ki pee. Le bi joo ikekefeen inaa pu, ki sunn ni kitiŋ m chee.

Lituln 9:19

Le u jin tijikaar, ki ki kan mpɔɔn. Sɔɔl nan laa bi Yesu aadidiliib chee iwiin ilee, Damaskus aatiŋ ni.

Lituln 9:32

Tɔ, Piita nan bɔ dii ntim mɔmɔk ponn ni nima chee. U nan buen Lida aatiŋ mu ni, ki mann Uwumbɔr aanib bi bi nima na.

Lituln 9:36

Kitiŋ kibaa mu bi, ki bi gbɔk nima chee, bi yin ki ke Jɔpa. Upii u dii Yesu aasan na nan bi nima, bi yin u ke Tabita. Griik aaliin ponn ni, bi yin u ke Dokas. Waayimbil aatataa le ye ke upeeyun. U nan ye litunyaandaan la.

Lituln 9:42

Le binib bimɔk bi Jɔpa aatiŋ ni na ŋun tibɔr ngbaan. Nima pu na, binib pam nan gaa Tidindaan ki kii.

Lituln 9:43

Piita nan bi Jɔpa aatiŋ ni, ki yunn. U nan koo uja u bi yin u ke Simonn, aan u ye ugbanjab na do la.

Josua 19:46

ni Me Jakonn, ni Rakonn, ki kpee kitiŋ ki mann gonn Jopa aatiŋ na.