Lituln 14:16 - Uwumbɔr aagbaŋ

¹⁶ N‑yaayoonn na, u nan cha ŋinibol mɔmɔk ŋani baah gee pu na.

UWONBƆR A GBƆNPƆŊ LIKƆƆNL

¹⁶ Yaayoo nna, U nan che ibol biɛn ŋaan baah ban man le.

Lituln 14:16 ပူးပေါင်းရင်းမြစ်များ

Ilahn 147:20

Waa tun kina tii ŋitimbol ŋiken; baa nyi waakaal. Pak Uwumbɔr man.

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Hosea 4:17

Ŋiwaa le chuu Israel aanib. Cha bi li dii baah gee nsan mu na.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Lituln 17:30

Binib aah kaa nan kee nyi Uwumbɔr aasan buyoonn na, waa nan gar baah ŋani pu na. Dandana wee le u len ke u ban ke binib bimɔk bi dulnyaa wee mɔmɔk ponn ni na kpeln baabimbin ki dii waasan.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.