Lituln 10:34 - Uwumbɔr aagbaŋ

³⁴ Le Piita bui bi, “M bee ke ni ye mbamɔn ke Uwumbɔr aa pak ubaa ki jer uken. U po pak ti mɔmɔk la.

UWONBƆR A GBƆNPƆŊ LIKƆƆNL

³⁴ Le Piita piin ki bei bi ke, “N nin biɛ ke ni ye nbamɔm le ke Uwonbɔr kaa gann ni,

Lituln 10:34 ပူးပေါင်းရင်းမြစ်များ

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Matiu 22:16

Le bi tun baadidiliib ni Ubɔr Herod aanib bibaa Yesu chee, le bi ti bui u, “Umɔmɔkr, ti bee ke aa len mbamɔn la, ki mɔk timi Uwumbɔr aasan mbamɔm, kaa san unii ubaa ijawaan, kaa pak ubaa ki jer uken.

Matiu 5:2

Le u waar umɔb ki bui bi ke:

Tibɔnyaan ti Luk ŋmee ti na 20:21

Le bi dan nan bui u, “Umɔmɔkr, ti nyi ke aa len mbamɔn, ki tuk binib Uwumbɔr aabɔr mbamɔm, kaa pak ubaa ki jer uken. Aa po mɔk bi Uwumbɔr aasan mbamɔm la.

Lituln 10:33

Waah tuk mi kina na, libuul ngbaan ni le m tun binib bi ti yin si. Saah dan pu na, ni ŋan. Dandana wee, ti mɔmɔk bi do, Uwumbɔr aanimbiin ni. Ti ban ti ŋun tibɔr ti Tidindaan tuk si ke aa tuk timi na.”

Lituln 15:9

Waah ŋa kina na, u mɔk ke u pak binib bi kaa ye Juu yaab na mu. Waa yakr timi. U po dak ke binib mɔmɔk ye tiwanbaan la. Baah gaa u ki kii na, le u finn bisui ni titunwanbir.

Lituln 8:35

Le Filip tuk u ŋŋmeen ngbaan aatataa, ke ni ye Yesu aabɔr la, le ki tuk u tibɔnyaan na.

Rom Yaab 2:11

ba pu? Uwumbɔr aa pak ubaa ki jer uken.

Rom Yaab 3:29

Uwumbɔr ye Juu yaab baanja Aawumbɔr la aa? Waa ye binib bi kaa ye Juu yaab na mu Aawumbɔr aa? Mbamɔn, u ye.

Galantiya 2:6

Yesu aanib aaninkpiib bi kpa liyimbil na, baah bi pu na, naa ye nibaa m chee; ba pu? Uwumbɔr aa pak ubaa ki jer uken, binib ngbaan aa len ke m di tibɔr tibaa ki kpee maah mooni tibɔr ti na pu.

Efesusi 6:9

Dindatiib, ni mu li ŋani nimi aanaagbiib mbamɔm, ki taa faani bi, ki li nyi ke ni ni nimi aanaagbiib kpaan Dindaan baan le paacham. Uma aa pak ubaa ki jer uken.

Ikaal 1:17

Ni taa li kpa imaagann nimi aabɔjil ni, ni li dii nsanbaan ki toor ugiin ni uwankpadaan mɔmɔk aabɔr. Taa san ubaa ijawaan, Uwumbɔr le ga tii nimi nlan le ni len ibamɔn. Tibɔr ti jer nimi aapɔɔn na kan, ni li joo ni ti m chee, aan m nan toor ti.’

Ikaal 10:17

Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

Kolosiya 3:11

Naah kpa mbimbipɔm na, naa ki yakr Juu yaab, ni binib bi kaa ye Juu yaab na, ni binib bi gii ŋichakpan na, ni binib bi kaa gii na, ni biwɔwɔm, ni timoor ni aanib, ni binaagbiib, ni bimalb. Ni mɔmɔk kpaan la. Kristo le jer tiwan ngbaan mɔmɔk, ki bi waanib mɔmɔk ni.

Kolosiya 3:25

Unii umɔk tun lituln li kaa ŋan na, Uwumbɔr ga daa utafal waah ŋeer pu na. Uwumbɔr aa pak ubaa ki jer uken.

Jemisi 2:1

Nnaabitiib, ni tii Tidindaan Yesu Kristo u yeh mpakm na naadii la. Naah tii u naadii pu na, ni taa pak ubaa ki jer uken.

Jemisi 2:4

nima le mɔk ke ni kpa imaagann, ki dak ilandak i kaa ŋan na ki ŋaŋni binib la.

Jemisi 2:9

Ni mu yaa pak ubaa ki jer uken kan, ni tun titunwanbir la. Uwumbɔr aakaal galn nimi ke ni bii mu la.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.