Lituln 10:31 - Uwumbɔr aagbaŋ

³¹ ki bui ke, ‘Konelius, Uwumbɔr ŋun saameel, ki teer saah ter bigiim pu na.

UWONBƆR A GBƆNPƆŊ LIKƆƆNL

³¹ ki len ke, ‘Kɔnelu, Uwonbɔr gbir a miɛm ma, ki li tiɛr a piini yan wee a pu bilanjiimin.

Lituln 10:31 ပူးပေါင်းရင်းမြစ်များ

Aisaya 38:5

ke u gir buen Hesekia chee ki ti bui u ke, “Min Uwumbɔr, u ye aayaaja David Aawumbɔr na ŋun saameel, ki kan saanyunyunn; m ga di ŋibin kipiik ni ŋiŋmu kpee saamɔfal pu.

Daniel 10:12

Le u ki bui mi ke, “Daniel, taa san ijawaan. Njan aawiin mundaal aa nan sunn aabaa taab ki piin ki bi mee u ke u tii si nlan na, le Uwumbɔr nan ŋun saameel. Saameel ngbaan pu le m dan.

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 2:9

Utotoor ga lee ti ngem ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 5:12

U li joo ni n‑yon ngbaan nan tii utotoor, aan u di uŋaal lee mu gbiin uŋaal, ni li ye limɔkl ke ni mɔmɔk ye Uwumbɔr aapiin la, aan ki di see mmii ni, libimbiln paab, tii Uwumbɔr. Ni ye kitork ki ga nyan titunwanbir na la.

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Lituln 10:30

Le Konelius bui u, “Daanab na, tikur titaa kijook wɔb, kinakokoona, le m nan bi maadiik ni, ki bi mee Uwumbɔr. Maah bi mee Uwumbɔr na, le m kan uja u pee likekeln li wiin chain na si nnimbiin ni

Lituln 10:32

U ban ke aa cha binib buen Jɔpa aatiŋ ni, bi ti yin ni uja u bi nima aan bi yin u ke Simonn Piita na, ke u koo ugbanjab ubaa do, bi yin u ke Simonn na. Waadichal bi nnyusakpem na aagbaan.’

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.

Hiibru Yaab 6:10

Uwumbɔr ŋan la. Waan suln naah tun lituln pu ki ter waanib, ki beenin ter bi na, ki mɔk u naah gee u pu na bɔr.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.