Liifai Yaab 9:2 - Uwumbɔr aagbaŋ

² U nan bui Aaronn ke, “Ban ni unaaja ni upihja i ŋan na, ki nan toor kitork tii Uwumbɔr. Aa di unaaja toor titunwanbir aatork, aan ki di upihja toor kitork ki bi joo seer mmii ni na,

Liifai Yaab 9:2 ပူးပေါင်းရင်းမြစ်များ

Nnyam 29:1

“Saah ga ŋa pu ki di kitork aatuln tii Aaronn ni ujapɔtiib aan bi li tun maatuln pu na sɔ. Aa ban unaaja ni ipihja ilee, i taa li kpa iween ibaa.

Esekiel 29:1

Taah nan bi tinaagbiir ni pu na aabin kipiik ni aaŋmapiik aawiin kipiik ni mulee daal, le Uwumbɔr nan len m chee tibɔr ki bui ke,

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 16:3

N‑yoonn mu u ti joo ni unaajabo u nan toor titunwanbir aatork, ni upihja u u joo ni u nan toor kitork ki bi joo seer mmii ni na, le u ga ŋmaa koo nima chee.”

Liifai Yaab 16:5

Israel yaab mɔmɔk ga kpaan tii Aaronn iŋoja ilee u di toor titunwanbir aatork, ni upihja u di toor kitork ki bi joo seer mmii ni na aapiin aatork.

Liifai Yaab 4:3

Utotoorninkpel le yaa tun titunwanbir le ni ga joo ni ntafadaan binib pu kan, u di unaaja u ŋan na toor kitork tii Uwumbɔr, waatunwanbir ngbaan pu.

Liifai Yaab 8:14

Moses nan joo ni unaaja u u ga di toor titunwanbir aapiin aatork na, le ki cha Aaronn ni ujapɔtiib di biŋaal paan uyil pu.

Liifai Yaab 8:18

Ni paa na, Moses nan joo ni upihja u u ga di toor kitork ki bi joo seer mmii ni na, le ki cha Aaronn ni ujapɔtiib di biŋaal paan uyil pu.

Liifai Yaab 9:3

ki tuk Israel yaab ke bi li joo ni uŋoja ki nan toor titunwanbir aatork, ki di libiln libaa aanaabo ni libiln libaa aapihbo u kaa kpa iween ibaa na, ki toor kitork ki bi joo seer mmii ni na tii Uwumbɔr,

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Hiibru Yaab 5:3

Uma ubaa aah kpa titunwanbir pu na, ni ŋan ke u toor kitork uma ubaa aatunwanbir, ni bi mu aatunwanbir pu.

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.