Liifai Yaab 8:8 - Uwumbɔr aagbaŋ

⁸ U nan di kibiŋ aakekengeŋ gbab u, le ki di tiwan ni bi yin ni ke Urim ni Tumim di ŋa ki ponn ni.

Liifai Yaab 8:8 ပူးပေါင်းရင်းမြစ်များ

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Nehemia 7:65

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di Urim ni Tumim di ŋaŋ ti ki lik na.

Nnyam 29:1

“Saah ga ŋa pu ki di kitork aatuln tii Aaronn ni ujapɔtiib aan bi li tun maatuln pu na sɔ. Aa ban unaaja ni ipihja ilee, i taa li kpa iween ibaa.

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Aisaya 59:17

U ga di mbimbinyaan mu bi ke tikur ti bii kibiŋ pu na, ki li chik tikur aayikpupuk ki ye waapɔɔn mu gaa binib lii na, ki li kpa iniman ki daa binib aatafal baah ŋa biken falaa pu na.

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Efesusi 6:14

Nima pu na, gor nibaa man ki ti jan kijaak. Ni li joo Uwumbɔr aabɔr ti ye mbamɔn ki naahn ligbapapaln na; ki li kpa mbimbinyaan mu bi ke tikur ti bii kibiŋ pu na;

Ikaal 33:8

U nan ŋa Liifai yaab aanibol pu tinyoor ki bui ke, “Sin Uwumbɔr le di Urim ni Tumim aawan ni aa joo kpiir saageehn mɔk saanib na tii Liifai yaab bi ye saatutum bamɔm na. Sin le nan toŋ bi Masa aatiŋ ni, le ki lik baabimbin aah bi pu na Meriba aanyun chee.

1 Tesalonika 5:8

Tima ye nwiin pu aabim la, nima pu na, cha ti chuu tibaa man. Cha ti tii Yesu naadii, ki li gee tɔb. Ti yaa ŋani kina kan, nima le ga biin ti pu, ke tikur ti bii kibiŋ pu na. Le ti yaa kpa limakl ke ti ga sil ŋmar kan, ni ga li bi ke tikur aayikpupuk ki bii tiyil na.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.