Liifai Yaab 8:6 - Uwumbɔr aagbaŋ

⁶ Moses nan nyan Aaronn ni ujapɔtiib siin, le ki fu bi nnyun.

Liifai Yaab 8:6 ပူးပေါင်းရင်းမြစ်များ

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ilahn 51:7

Nyan mi maatunwanbir ni, aan m nya chain; finn mi, aan m piir chain ke tikokonn na.

Nnyam 29:4

“Aa di Aaronn ni ujapɔtiib dan nnimbiin ni, Maabool aabisamɔb chee, ki nan fu bi nnyun.

Nnyam 30:19

Aaronn ni ujapɔtiib ga li joo nnyun ngbaan le finn biŋaal ni bitaa,

Nnyam 30:20

le ki nin koo Libool ngbaan ni, bee bi nin buen ti toor tijikaar aatork. Nima kan, baan kpo.

Nnyam 40:12

“Di Aaronn ni ujapɔtiib dan Libool ngbaan aabisamɔb chee ki cha bi fu nnyun.

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Liifai Yaab 16:4

Uwumbɔr nan ki di baah ga li ŋani pu na tuk u. Waahr aan Aaronn koo Chain Chain Aapepel ni na, see u fu nnyun, ki di utotoor aawanpeenkaan peen: nima le ye ŋitanyaan aabɔkul ni lipeetugeln, ni ligbapapaln, ni kiyikpupuk.

Liifai Yaab 8:5

u bui bi ke, “Maah ban m ŋa tiwan ni na, Uwumbɔr le tuk mi ke m ŋa kina.”

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

Efesusi 5:26

U nan kpo bi pu, ke u ŋa bi chain. Baah ŋun waabɔr na, le u nyan titunwanbir bisui ni, le bi muin bi nnyun ni,

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Hiibru Yaab 9:10

Nkaalkpok ngbaan mɔk bi tijikaar ni tiwanyukaan ni kɔ na, ni ni kaa kɔ na, ki mɔk bi baah ga finn bibaa ki ŋa chain pu na. Ni nan mɔk ke see bi dii kina le ki nan saa buyoonn Yesu ga joo ni nsanpɔɔn mu ŋan na.

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.