Liifai Yaab 8:14 - Uwumbɔr aagbaŋ

¹⁴ Moses nan joo ni unaaja u u ga di toor titunwanbir aapiin aatork na, le ki cha Aaronn ni ujapɔtiib di biŋaal paan uyil pu.

Liifai Yaab 8:14 ပူးပေါင်းရင်းမြစ်များ

Ilahn 66:15

M ga tii ipiih aan bi di see mmii ni, kitork aabimbiln paab; m ga toor inaaja ni iŋoob aatork, le yaaŋmanyuu fii buen kitaapaak.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Esekiel 43:19

Bitotoorb bi ye Liifai aanibol ni aanib ki ye Sadok aayaabitiib na baanja le ye binib bi ga ŋmaa sil nnimbiin ni ki tun maatuln na. Min Bidindaan Uwumbɔr le siin kina. Aa ga tii bi linaajabil le bi di toor titunwanbir aatork.

Esekiel 43:20

Aa ga di waasin ngem gbaa gbaa imɔju i bi libimbiln ngbaan aalɔlɔnn ni na, ni libimbiln ngbaan aakaasisik ni aalɔlɔnn na mu, ki gbaa mann igbaan mɔmɔk ti ton. Kina le aa ga toor ki ŋa li chain ki di li ŋa m yaal.

Esekiel 44:27

aan u nin koo Maadichal aachinbik ni, ki ti toor kitork ki ŋa ubaa chain, aan ki nin ki ŋmaa tun Maadichal ponn ni aatuln. Min Dindaan Uwumbɔr le len kina.

Liifai Yaab 1:4

Udaan ngbaan ga di uŋaal paan unaaja ngbaan aayil pu, le Uwumbɔr ga gaa waatork ngbaan ki di cha pinn waatunwanbir.

Liifai Yaab 16:21

U di uŋaal ilee paan uŋoob ngbaan aayil pu, ki kpiir Israel yaab aatunwanbir, ni baah yii Uwumbɔr aamɔb pu na mɔmɔk, ŋa uyil pu, ki nyan uja ubaa, u jenn uŋoob ngbaan buen kipɔɔk ni.

Liifai Yaab 16:6

U di unaaja toor kitork ki nyan ubaa, ni waamaal aatunwanbir.

Liifai Yaab 4:15

le binib ngbaan aayidam mɔmɔk ga di biŋaal paan uyil pu, le bi kɔr u nima chee.

Liifai Yaab 8:2

“Di Aaronn ni ujapɔtiib buen Libool aabisamɔb chee nnimbiin ni, aan ki li joo ni bitotoorb aawanpeenkaan, ni nkpanmeenkaan, ni titunwanbir aatork aanaaja, ni ipihja ilee, ni boroboro u kaa kpa boroboro aanyɔk na kibɔɔkuuk kibaa,

Nkahm 8:12

Le Liifai yaab mu ga di biŋaal paan inaaja ilee na aayil pu; ni ga di ubaa toor titunwanbir aatork aapiin, ki di uken toor kitork ki ni ga di see mmii ni na aapiin, aan ni li ye kitork ki ga ŋa Liifai yaab ngbaan chain na.

Rom Yaab 8:3

Nkaal aan ŋmaa ŋa kina; ba pu? binib aa kpa mpɔɔn ke bi joo nkaal ngbaan. Le Uwumbɔr ŋa waakaal aah kaa ŋmaa ŋa pu na; timi aatunwanbir pu le u nan tun ni Ujapɔɔn Yesu dulnyaa wee ni, ke u di tiwon ti naahn timi titunwanbirdam aawon na bii titunwanbir ti bi tisui ni na aapɔɔn,

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

1 Piita 3:18

Ba pu? Kristo ubaa nan kpo nfum mbaa timi aatunwanbir pu. Kristo u ye uninyaan na nan kpo timi bi ye tiniwanbir na pu, ke u di ti ni Uwumbɔr kpaan. Bi nan ku waawon, le Uwumbɔr Aafuur Nyaan tii u limɔfal,