Liifai Yaab 7:9 - Uwumbɔr aagbaŋ

⁹ Njikaabim aapiin i bi di ŋa boroboro na, bee bi di ken ki ŋa maab na, utotoor u di ipiin aatork ngbaan di tii Uwumbɔr na le yeh ni mɔmɔk.

Liifai Yaab 7:9 ပူးပေါင်းရင်းမြစ်များ

2 Bibɔrb 12:17

N‑yoonn ngbaan le Siria aatiŋ aabɔr Hasael nan ti tak Gaf aatiŋ ki nyaŋ ki; le ki ŋa nlandak ke u ti tak Jerusalem mu.

Esekiel 44:29

Bitotoorb aajikaar le ga li ye njikaabim aatork, ni titunwanbir aachapinn aatork, ni lipɔln aateem aatork, bima ki yeh tiwan ni mɔmɔk bi nyan Israel aatiŋ pu ki di tii mi na.

Liifai Yaab 2:10

Ipiin i gur na ye bitotoorb yaan la. Baah di tijikaar aapiin ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 5:13

Kina le utotoor ga toor kitork tii utunwanbirdaan, le Uwumbɔr ga di cha pinn u waatunwanbir. N‑yon mu gur na ye utotoor na yaan le ke njikaabim aapiin aah ye uyaan pu na.

Liifai Yaab 7:10

N‑yon mu gur baa di ŋa nibaa na, bi yaa di nkpan ŋmal, bee bi yaa kaa ŋmal kan, Aaronn aamaal bi ye bitotoorb na le yeh mu. Bi yakr mu, mu li ŋak ki tii tɔb.

Liifai Yaab 7:8

Utotoor u toor kina aatork na le yeh kiwakork ngbaan aagban.

Nkahm 18:9

Ipiinkpaan i ye miyaan ki bi chain, baan di see mmii ni, kitork aabimbiln pu, ki ye saawan na sɔ: njikaabim aatork, ni titunwanbir aatork, ni lipɔln aapam aatork. Tiwan nimɔk bi di tii mi, ni ye chain aapiin na ye aa ni aajapɔtiib yaan la.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

1 Korenti 9:7

Unii yaa ye butɔb aaja kan, baa pa u lipal aa? Unii yaa ko kisaak kan, waan ji tijikaar ti bi ki ni na aa? Unii yaa kpaa inaa kan, waan wub nnaabiin aa?

Galantiya 6:6

Tɔ, binib bi bae Yesu aabɔnyaan na, cha bi yakr baah kpa ni na tii unii u mɔk bi tibɔnyaan ngbaan na.