Liifai Yaab 7:6 - Uwumbɔr aagbaŋ

⁶ Utotoor aamaal ni aajab mɔmɔk ga ŋmaa ji ti, ni ŋan ke bi ji ti chain aapepel ni la; ba pu? ti ye chain pam.

Liifai Yaab 7:6 ပူးပေါင်းရင်းမြစ်များ

Esekiel 42:13

Uja ngbaan nan bui mi ke, “Ŋidichal ŋilee ŋee mɔmɔk ye chain la. Ŋima ponn ni le bitotoorb bi chaa Uwumbɔr aanimbiin ni na ji chain chain aatork aajikaar. Tidir ngbaan aah bi chain na, nima chee le bitotoorb ga di chain chain aapiin, i ye njikaabim aatork, ni titunwanbir aatork, bee lipɔln aateem aatork na siin.

Liifai Yaab 2:3

N‑yon mu gur na ye bitotoorb yaan la. Baah di tijikaar ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 21:22

Unii kina aaboln ga ŋmaa ji tijikaar ti bi di tii min ti ye chain, ni chain chain aajikaar aatork na.

Liifai Yaab 6:11

Le u ga kpeln waawanpeenkaan, ki faa nfatan ngbaan ki di nya lipaal, nin chee bi joo nfatan kpir aan ni ye chain na.

Liifai Yaab 6:29

Bitotoorb aamaal ni aajab mɔmɔk ga ŋmaa ŋmɔ ipiin ngbaan aanann; ti ye chain chain aanann la.

Liifai Yaab 7:5

Utotoor di nkpan ngbaan mɔmɔk see mmii ni, libimbiln paab, aan ni li ye tijikaar aatork ki tii Uwumbɔr. Ni ye naah ga gir toor lipɔln pu na aatork la.

Hagai 2:12

Unii yaa lee kitork aanann ti bi chain aan bi di ti tii Uwumbɔr na ki di poo waabɔkul ni; udaan yaa nan cha waabɔkul ngbaan meeh boroboro, bee baah mɔn bisaa bu na, bee ndaan, bee olif aakpan, bee tijikaar tibaa kan, kina ga ŋmaa cha kina aajikaar ŋa chain aa?” Hagai aah baa mbaan ngbaan na, bitotoorb ngbaan nan bui ke, “Aayii.”

1 Korenti 10:18

Dakl lik man Juu yaab aah ŋani pu na. Binib bi toor kitork tii Uwumbɔr ki ji na, bi ni u kpaan la.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.