Liifai Yaab 7:5 - Uwumbɔr aagbaŋ

⁵ Utotoor di nkpan ngbaan mɔmɔk see mmii ni, libimbiln paab, aan ni li ye tijikaar aatork ki tii Uwumbɔr. Ni ye naah ga gir toor lipɔln pu na aatork la.

Liifai Yaab 7:5 ပူးပေါင်းရင်းမြစ်များ

Liifai Yaab 1:13

Uja ngbaan finn ponn ni aawan, ni ŋitaajal, le utotoor ga di kitork ngbaan tii Uwumbɔr, ki see ti mɔmɔk libimbiln paab mmii ni. Tijikaar aapiin kina aaboln nu mɔ Uwumbɔr chee.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 2:16

Le utotoor ga lee n‑yon, ni nkpan, ki kpee tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 2:9

Utotoor ga lee ti ngem ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 3:16

Utotoor ga di ni see mmii ni, kitork aabimbiln paab, ni li ye tijikaar aapiin i nu mɔ Uwumbɔr chee na. Nkpan aawan mɔmɔk ye uma Uwumbɔr yaan la.

Liifai Yaab 3:3

Le bi di kiwakork ngbaan aaponn ni aawan nimina: Nkpan mu mɔmɔk bii ponn ni aawan pu na, ni ŋipɔɔkpeebil ni nkpan mu bii ŋi na, ni lipɔɔl nin chee ŋan na, ni li ye tijikaar aapiin ki tii Uwumbɔr.

Liifai Yaab 5:7

U yaa kaa kpa upihsal, bee uŋosal kan, u li joo ni ŋinanjel ŋilee, bee ŋibɔrnanjel ŋilee, ki nan toor kitork tii Uwumbɔr; u di libaa toor titunwanbir aatork, ki di liken na toor kitork ki bi joo seer mmii ni na aatork.

Liifai Yaab 7:4

ni ŋipɔɔkpeebil ni nkpan mu bii ŋi pu na, ni lipɔɔl nin chee ŋan na.

Liifai Yaab 7:6

Utotoor aamaal ni aajab mɔmɔk ga ŋmaa ji ti, ni ŋan ke bi ji ti chain aapepel ni la; ba pu? ti ye chain pam.

Galantiya 2:20

M nan kpo Kristo chee ndɔpuinkoo pu, le m mu beenin fu; naa ki ye min Pɔɔl le fu. Kristo le fu m ni. Uma Uwumbɔr Aajapɔɔn u gee mi ki nan kpo m pu na, uma le m gaa u ki kii, nima pu le m bi.

Galantiya 5:24

Binib bi ye Yesu Kristo aanib na, bi yii baabimbikpok aah ban pu na mɔmɔk, ki di mbimbikpok ngbaan kpaa Yesu aadɔpuinkoo pu.