Liifai Yaab 7:31 - Uwumbɔr aagbaŋ

³¹ Utotoor di nkpan ngbaan see mmii ni, libimbiln paab, aan bitotoorb li joo libingbaal libaa.

Liifai Yaab 7:31 ပူးပေါင်းရင်းမြစ်များ

Nnyam 29:26

“Chuu nyan upihja ngbaan aabingbaal ki di tii mi, ni li ye kitorkpaan. Libingbaal aanann tee le ga li ye si yaan.

Liifai Yaab 3:11

Le utotoor u ŋa kitork ngbaan na di ni mɔmɔk see mmii ni, libimbiln paab, ni li ye tijikaar aapiin ki tii Uwumbɔr.

Liifai Yaab 3:16

Utotoor ga di ni see mmii ni, kitork aabimbiln paab, ni li ye tijikaar aapiin i nu mɔ Uwumbɔr chee na. Nkpan aawan mɔmɔk ye uma Uwumbɔr yaan la.

Liifai Yaab 3:5

Le bitotoorb ga di ni mɔmɔk, ki di kpee kitork kiken pu, ki see mmii ni, kitork aabimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 5:13

Kina le utotoor ga toor kitork tii utunwanbirdaan, le Uwumbɔr ga di cha pinn u waatunwanbir. N‑yon mu gur na ye utotoor na yaan le ke njikaabim aapiin aah ye uyaan pu na.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 6:26

Utotoor u ŋa kitork ngbaan na le ga ŋmɔ kiwakork ngbaan aanann, chain aapepel ni, Uwumbɔr aanimbiin ni, Libool ngbaan aachiln ni.

Liifai Yaab 7:34

Kiwakork ngbaan aabingbaal ni ŋŋangii aataajal ye ipiinkpaan la, le Uwumbɔr gaal i Israel yaab chee ki joo tii bitotoorb. Israel yaab li joo tinann tee tii bitotoorb n‑yoonn mɔmɔk.

Liifai Yaab 8:29

Moses nan ki yoor libingbaal, li ye ipiinkpaan na tii Uwumbɔr. Libingbaal aanann ngbaan le nan ye Moses yaan, kitork ngbaan ni. Moses nan ŋa Uwumbɔr aah tuk u pu na mɔmɔk.

Nkahm 18:11

“Ni ki kpee na, Israel yaab yaa ti ki tii ipiinkpaan ibaa kpee kan, i ye saawan la. M joo i tii sin ni aajapɔtiib, ni aabisatiib, ni li ye nimi yaan ki cha n‑yoonn mɔmɔk. Saamaal ni aanii umɔk bi chain ki ŋeer na ga ŋmaa ji ni.

Nkahm 18:18

Tiwakor ngbaan aanann ti gur na ye sin yaan la, ke libingbaal ni ŋŋangii aataajal, ŋi ye ipiinkpaan aatork na, aah ye sin yaan pu na.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

Ikaal 18:3

“N‑yoonn mu ni ti di kiwakork toor kitork na kan, ni di kibook, ni mmɔkpaween, ni lipuul tii bitotoorb.