Liifai Yaab 7:2 - Uwumbɔr aagbaŋ

² Ni yaa ban ni kɔr kiwakork ki toor kitork ngbaan kan, ni kɔr ki, kitork aabimbiln aaŋangan wɔb, nin chee bi kɔr kitork ki bi joo seer mmii ni na. Ni di kaasin yɔk yɔk libimbiln ngbaan aapepel mɔmɔk ŋinaa pu.

Liifai Yaab 7:2 ပူးပေါင်းရင်းမြစ်များ

Aisaya 52:15

U mu ga ŋa ŋinibol pam chain, u pu le bibɔrb ga li ka waa bimɔi, kaa kpa tibaa bi len. Bi ga kan tiwan ni unii ubaa aa mɔk bi na, ki bee tiwan ni baa ŋun ni pu na aatataa.”

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Esekiel 40:39

Teebul tiib binaa le nan bi kinaakook kee ponn ni, bilelee si lipepel mɔk pu. Teebul tiib ngbaan pu le bi nan kɔr kitork aawakor ti ga see mmii ni timɔnn na, ti ye titunwanbir aachapinn aatork, ni ti ye lipɔln aapam aatork na.

Liifai Yaab 1:11

U ku ki libimbiln paab, ŋŋangan wɔb, le bitotoorb ga di kaasin yɔk yɔk kitork aabimbiln paab, ŋipepel mɔmɔk ŋinaa pu.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 1:5

U ga ku unaaja ngbaan nima chee, le Aaronn aamaal bi ye bitotoorb na ga di waasin tii Uwumbɔr, ki di mu yɔk yɔk kitork aabimbiln li si Libool ngbaan aabisamɔb chee na aapepel mɔmɔk ŋinaa pu.

Liifai Yaab 14:13

U kɔr upiih ngbaan chain aapepel, nin chee bi joo tiwakor toor titunwanbir aatork na, ni kitork ki bi joo seer mmii ni na wɔb. U ŋa kina, ba pu? lipɔln aatork ye utotoor yaan ki bi chain, ke titunwanbir aatork na.

Liifai Yaab 3:2

Uja ngbaan ga di uŋaal paan unaa ngbaan aayil pu, le ki kɔr u Uwumbɔr Aabool aabisamɔb chee. Le Aaronn aabijabim bi ye bitotoorb na ga di nsin yɔk yɔk kitork aabimbiln aapepel mɔmɔk ŋinaa pu.

Liifai Yaab 3:8

u di uŋaal paan uyil pu, ki kɔr u Libool na aabisamɔb chee. Bitotoorb ga di nsin yɔk yɔk kitork aabimbiln aapepel mɔmɔk ŋinaa pu,

Liifai Yaab 4:24

U di uŋaal paan uyil pu, aan ki kɔr u, kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na. Ipiin aatork kimina aaboln le nyani titunwanbir.

Liifai Yaab 4:29

U di uŋaal paan uyil pu, aan ki kɔr u kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na.

Liifai Yaab 4:33

U di uŋaal paan uyil pu, aan ki kɔr u kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na.

Liifai Yaab 5:16

See u pan waah ba yii kaa pan chain aapar ti na, le ki ki pa paan ti pu ki tii utotoor. Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.

Liifai Yaab 5:7

U yaa kaa kpa upihsal, bee uŋosal kan, u li joo ni ŋinanjel ŋilee, bee ŋibɔrnanjel ŋilee, ki nan toor kitork tii Uwumbɔr; u di libaa toor titunwanbir aatork, ki di liken na toor kitork ki bi joo seer mmii ni na aatork.

Liifai Yaab 5:9

U di laasin yɔk yɔk kitork aabimbiln aagbaan. Nsin mu gur na, u cha mu tuu nya ki lir libimbiln aataab. Kitork ngbaan aaboln le nyani titunwanbir.

Liifai Yaab 6:25

ke u di ikaal imina aabɔr tuk Aaronn ni ujapɔtiib, ki joo cha titunwanbir aatork wɔb. Bi yaa ban bi toor titunwanbir aapiin aatork kan, bi di kiwakork ngbaan paan kitork aabimbiln paab ŋŋangan wɔb, ki kɔr ki nin chee bi kɔr kitork ki bi joo seer mmii ni na aawakor na. Kitork ngbaan ye chain chain aapiin la.

Liifai Yaab 6:7

Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.

Nkahm 6:12

ki ki nyan ubaa tii Uwumbɔr. Waah nan nyan ubaa njan pu aan ki meeh linikpol ki bii ubaa na, nima aa ki ye nibaa, ba pu? waayikpir ti u nan di tii Uwumbɔr na nan kpaln tijɔŋ. U ki li joo ni libiln libaa aapihbo ki nan toor lipɔln aatork.

Hiibru Yaab 11:28

Waah nan gaa Uwumbɔr ki kii pu na le u nan bui Israel yaab ke bi kɔr ipihbi, ki di nsin gbaa gbaa ibisamɔi, aan Uwumbɔr aatuun u ga ku mbipolb na taa nan ŋa bi nibaa.

Hiibru Yaab 12:24

Ni fuu ni Yesu chee la. U pu, le Uwumbɔr puu tipuupɔln tii timi. Uma Yesu aasin mu yaa ti pu na le ŋa timi chain. Mu pu, le Uwumbɔr di cha pinn timi. Waasin ngbaan len tibɔr ti ŋan jer Abel aasin aah nan len pu na.

1 Piita 1:2

Tite Uwumbɔr nan nyan nimi waageehn pu, ki cha Waafuur Nyaan ŋa nimi chain, ni li keei Yesu Kristo aamɔb, aan Uwumbɔr di cha pinn nimi Yesu aasin pu. Uwumbɔr ŋa tinyoor ŋa ni pu, ki tii nimi nsuudoon pam.