Liifai Yaab 7:18 - Uwumbɔr aagbaŋ

¹⁸ Ni yaa ŋman ti wintaa daal ngbaan kan, Uwumbɔr aan ki gaa udaan ngbaan aatork. Le kitork ngbaan aan ki ŋmaa nyan udaan ngbaan waatunwanbir ni, ti bii le na, le umɔk ŋman kitork ngbaan aanann na ga kan ntafadaan.

Liifai Yaab 7:18 ပူးပေါင်းရင်းမြစ်များ

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Aisaya 65:4

Kinyeek kan, bi chaa titakpalunn ni, ni ŋikaakul ponn ni le ti buu tibɔɔr bitekpiib chee. Bi ŋmɔ ugbeer, ki nyu baah di tiwakor ti toor tii ŋiwaa na aakpinyun mu bi di tinann seen mu ni na,

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 14:10

Uwumbɔr len binib bee aabɔr ke, “Bi gee ke bi fenn bipuwɔb tii mi, le kaan chuu bibaa. Kina pu le nsui aa piin bi pu. M ga teer taani u bi tun na, ki daa bitafal baatunwanbir pu.”

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Esekiel 18:20

Unii u tun titunwanbir na, uma le ga kpo. Japɔɔn aan ji falaa ute aatunwanbir pu, le te mu aan ji falaa ujapɔɔn aatunwanbir pu. Uninyaan ga kan tipar waatunyaan pu, le titunwanbirdaan mu ga ji falaa waah tun titunwanbir ti na pu.

Hosea 8:13

Bi toor kitork tii mi, le ki ŋmɔ kaanann. Le min Uwumbɔr aasui aa piin bi pu, le m ga teer baatunwanbir n‑yoonn mumina ki daa bitafal ti pu; m ga giin bi Ijipt aatiŋ ni.

Liifai Yaab 10:17

“Ba ŋa naa jin titunwanbir aatork ngbaan aajikaar chain aapepel ni? Kitork ngbaan ye chain aatork la, le Uwumbɔr di tii nimi ke ki nyan Israel yaab mɔmɔk baatunwanbir ni.

Liifai Yaab 10:19

Le Aaronn giin bui Moses ke, “Bi toor titunwanbir aatork, ni kitork ki bi joo seer mmii ni na aapiin din wee, ki tii Uwumbɔr, le tibɔbir tee aaboln dan m pu. M yaa ba ŋman titunwanbir aatork aanann ngbaan kan, ni ba ga li mɔ Uwumbɔr aa?”

Liifai Yaab 11:41

“Ni taa ji ipeel waatiir i chuun na.

Liifai Yaab 17:16

U yaa yii kan, u ga kan ntafadaan.

Liifai Yaab 19:5

“N‑yoonn mu ni kɔr kiwakork ki ŋa kimɔbaan aatork na, ni li joo ikaal i m tuk nimi na, le m ga gaa kitork ngbaan.

Liifai Yaab 20:17

Uja yaa yoor ute aabisal, bee una aabisal, ki di ŋa upuu kan, ni nyan bi mpaan pu ki jinn bi inimɔɔn, aan ki nyan bi nibaa chee. U doon uninkpan chee la, ni cha u ji kina aafalaa.

Liifai Yaab 20:19

Uja yaa doon upuul, bee unawaa chee kan, ni kpaan ŋa bimɔk bilee falaa, ba pu? bi ŋa kininsuŋ la.

Liifai Yaab 22:16

ki cha unii u kaa ŋeer ke u ji ti na ji ti, kina aabimbin ga bii waabɔr, le udaan ngbaan ga kan ntafadaan. Min le ye Uwumbɔr le ki ŋa ipiin aatork aajikaar ngbaan chain.”

Liifai Yaab 22:23

Ni yaa ye ngeehn aapiin le ni ban ni tii kan, ni ga ŋmaa di kiwakork ki ni gee na ŋa kina aapiin; ni yaa ye tipuur aapɔln aapam kan, naan ŋmaa ŋa kina.

Liifai Yaab 22:25

Ni taa daa, ki taa gaa uwɔwɔnja chee kiwakork kina aaboln ki di toor tijikaar aapiin aatork ki tii Uwumbɔr. Tiwakor kina aaboln aa ŋan, le Uwumbɔr aan gaa kitork ngbaan.

Liifai Yaab 5:17

Unii ubaa yaa peln bii Uwumbɔr aakaal kan, u tun titunwanbir le na, le ni ŋeer u pa ti pu.

Liifai Yaab 7:19

Tinann ngbaan yaa meeh tiwan ni kpa tijɔŋ na kan, ubaa taa ki ji ti, bi di ti see mmii ni. Unii umɔk bi chain na ŋeer ke u ŋmɔ tinann ti ye chain na.

Amos 5:22

Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Nkahm 18:27

Tootookpaan ngbaan ga li bi ke ukpaal aah kon ki kan njikaabim, ni ŋisubil aadapɔm, ki nyan miyaan tii mi pu na la.

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

Hiibru Yaab 9:28

Kristo mu di ubaa toor kitork nfum mubaa, binib pam aatunwanbir pu. U ga ki fuu ni lelee. Naa ye titunwanbir pu le u ga ki fuu ni. U ga fuu ni ke u nan gaa binib bi kii waagirndaal na lii.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.