Liifai Yaab 7:16 - Uwumbɔr aagbaŋ

¹⁶ Unii yaa nan puu tipuur le ki giin ti, bee u yaa tii ipiin ubaa aageehn pu, le tinann yaa gur ki woln kitaak kan, ni li ŋmɔ man.

Liifai Yaab 7:16 ပူးပေါင်းရင်းမြစ်များ

Ilahn 116:14

Waanib mɔmɔk aanimbil ni le m ga tii u maah puu ke m ga tii u ni na.

Ilahn 116:18

Saadichal li bi Jerusalem ponn ni na, saanib mɔmɔk aanimbil ni le m ga tii si maah puu ke m ga tii si tiwan ni na. Pak Uwumbɔr man.

Ilahn 66:13

M ga joo ni kitork ki bi ga di see mmii ni na saadichal ni, m ga tii si maah puu pu na.

Nnyam 35:29

Le Israel aanib bimɔk nan gee bi tii na nan joo ni baapiin ki nan tii Uwumbɔr, waah nan bui Moses lituln li na pu.

Ŋiyataŋak 7:14

“M toor maatork din le ki kan tinann kitork ngbaan ni.

Esekiel 46:12

“Ujojoor ngbaan yaa ban u toor waageehn aatork tii min Uwumbɔr, aan ki li ye kitork ki bi joo seer mmii ni na, bee kimɔbaan aatork kan, bi ga piir kichinbik aabisamɔb mu bi liwipuul wɔb na le u dii koo. U ga toor kitork ngbaan ke waah toor Likpaakool daal pu na la, le u yaa nan nyan kan, bi ki laŋ mbisamɔb ngbaan.”

Liifai Yaab 22:23

Ni yaa ye ngeehn aapiin le ni ban ni tii kan, ni ga ŋmaa di kiwakork ki ni gee na ŋa kina aapiin; ni yaa ye tipuur aapɔln aapam kan, naan ŋmaa ŋa kina.

Liifai Yaab 22:29

Ni yaa ban ni toor idoon aatork ki tii Uwumbɔr kan, ni li dii ikaal ngbaan, le Uwumbɔr ga gaa nimi aapiin ngbaan.

Liifai Yaab 23:38

Ni ga ŋa njim ngbaan ki kpee Likpaakool daal mɔmɔk aatork pu, ni naah tii ipiin pu na, ni naah pa tipuur aapiin pu na, ni nimi aageehn aapiin i ni joo tii Uwumbɔr na.

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Nkahm 15:3

Ni yaa ban ni toor kitork ki bi joo seer mmii ni na kan, ni ga ŋmaa di unaaja, bee upihja, bee upihsal, bee uŋoob ŋa kina tii mi. Ni yaa ban ni ŋa naah puu pu na, bee ni yaa ban ni tii mi nibaa aageehn aapiin buyoonn ni ban ni ji njim mu na kan, ni ŋa kina; tijikaar aatork ngbaan nu mɔ, min Uwumbɔr chee.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:17

Tiwan nimɔk ni di toor kitork tii Uwumbɔr na kan, ni taa ji tiwan ngbaan linampal: naah ga nyan nimi aajikaabim, ni ŋisubil aadaan, ni olif aakpan kipiik ponn ni nibaa ni tii Uwumbɔr na, ni nimi aawakor aajan aabim, ni naah puu tipuur ke ni ga tii Uwumbɔr ipiin i na, ni nimi aageehn aapiin, ni ipiin iken na aapar, ni taa ji ni linampal.

Ikaal 12:26

Ni li joo ni Uwumbɔr aapiin, ni naah puu tipuur ke ni ga tii u ipiin i na, ki di i buen waah nyan nin chee ke ni li dooni u na.

Ikaal 12:6

Nima chee le ni ga toor nimi aatoor ti ni ga li joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni nimi aapiin, ni ni yaa puu Uwumbɔr tipuur kan, naah ga pa pu na, ni nibaa aageehn aapiin, ni nimi aawakor aajan aabim aapar.