Liifai Yaab 7:12 - Uwumbɔr aagbaŋ

¹² Unii yaa ban u toor kitork kina aan ni li ye idoon aapiin ki tii Uwumbɔr kan, u ban tijikaar aapiin imina ki di kpee kitork aawakork pu: Boroboro u baa di boroboro aanyɔk ŋa u ni na, ki di olif aakpan ŋmal waayon ni, bee ni pu maab ki di olif aakpan gbaa u, bee ni di olif aakpan ŋmal n‑yon ni, ki ken maab.

Liifai Yaab 7:12 ပူးပေါင်းရင်းမြစ်များ

2 Bibɔrb Aabɔr 29:31

Hesekia nan bui binib ngbaan ke, “Naah finn nibaa chain kaa ki kpa tijɔŋ na, li joo ni man idoon aapiin ki nan toor tii Uwumbɔr.” Bi nan kii waamɔb, le biken mu nyan sil ki joo ni tiwakor ki nan toor kitork ki bi ga di see mmii ni na aatork.

2 Bibɔrb Aabɔr 33:16

U nan ki toor baah nan dooni Uwumbɔr kitork aabimbiln li pu na, le ki toor kimɔbaan ni idoon aapiin aatork li pu. U nan bui Juda aanib mɔmɔk ke bi li dooni bima Israel yaab Aadindaan Uwumbɔr.

Nehemia 12:43

Bi nan toor titoor pam liyaadaal ngbaan, le binib ngbaan nan kpa mpopiin sakpen, Uwumbɔr aah nan tii bi mmɔɔn pu na. Bipiib ni mbim mu nan bi njim ngbaan ponn ni, le kifuuk ki bi mɔmɔk nan ŋani na nan buen dandar.

Ilahn 107:8

Ni ŋan ke bi doon Uwumbɔr waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 116:17

M ga tii si idoon aapiin, ki di maameel tii si.

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Liifai Yaab 2:4

Ipiin ngbaan yaa ye boroboro le bi di pun boroboro aadiik ni kan, bi ŋa u ki taa di boroboro aanyɔk ŋmal u ni; bi di olif aakpan ŋmal n‑yon ni, ki ŋa boroboro u filk na, bee bi ŋa u ke maab na, ki di nkpan gbaa u.

Liifai Yaab 2:5

Ipiin ngbaan yaa ye maab u bi ken u limaasambil ni na kan, bi ŋa u ki di olif aakpan ŋmal n‑yon ni, ki taa ŋa nnyɔk u ni.

Liifai Yaab 22:29

Ni yaa ban ni toor idoon aatork ki tii Uwumbɔr kan, ni li dii ikaal ngbaan, le Uwumbɔr ga gaa nimi aapiin ngbaan.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 7:15

Bundaal bi di kiwakork ngbaan toor kitork na, bi ŋmɔ tinann ngbaan kookoo, ki taa cha ti gur ki woln kitaak.

Amos 4:5

Di nimi aaboroboro tii Uwumbɔr ki doon u waah ter nimi pu na, ki li kpa kipupuk naah ki tii ipiin i kpee na pu. Naah gee ke ni li ŋani tiwan ni na le na.

Nkahm 6:15

ki kpee na, u ga ban ni boroboro u gbei ki ŋmar olif aakpan, kaa kpa boroboro aanyɔk na kibɔɔkuuk kibaa, ni maab u bi di olif aakpan ŋmir u na; ki kpee njikaabim ni ŋisubil aadaan pu.

Tibɔnyaan ti Luk ŋmee ti na 17:16

le ki nan gbaan Yesu aanimbiin ni, ki doon u.

Tibɔnyaan ti Luk ŋmee ti na 17:18

Ubaa aa gir ni u nan nyuŋ Uwumbɔr see uwɔwɔnja ngbaan baanja aa?”

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

Efesusi 5:20

Ni li dooni Tite Uwumbɔr n‑yoonn mɔmɔk, tiwan mɔmɔk pu, Tidindaan Yesu Kristo aayimbil pu.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.