Liifai Yaab 6:26 - Uwumbɔr aagbaŋ

²⁶ Utotoor u ŋa kitork ngbaan na le ga ŋmɔ kiwakork ngbaan aanann, chain aapepel ni, Uwumbɔr aanimbiin ni, Libool ngbaan aachiln ni.

Liifai Yaab 6:26 ပူးပေါင်းရင်းမြစ်များ

Nnyam 40:33

Moses nan gaa tiwan mann gob Libool ni kitork aabimbiln ngbaan, le ki di likekeln leen tiwan ngbaan aabisamɔb. Kina le u nan ŋa lituln ngbaan mɔmɔk doo.

Esekiel 42:13

Uja ngbaan nan bui mi ke, “Ŋidichal ŋilee ŋee mɔmɔk ye chain la. Ŋima ponn ni le bitotoorb bi chaa Uwumbɔr aanimbiin ni na ji chain chain aatork aajikaar. Tidir ngbaan aah bi chain na, nima chee le bitotoorb ga di chain chain aapiin, i ye njikaabim aatork, ni titunwanbir aatork, bee lipɔln aateem aatork na siin.

Esekiel 46:20

le ki bui ke, “Do chee na le bitotoorb ga ŋaa titunwanbir aatork, ni lipɔln aateem aatork aanann, ki ken n‑yon aatork aamaab, nima kan, tiwan ni bi chain na aan nya buen lichinjal ni, nin chee ni ga ŋmaa tii binib titotonn na.”

Hosea 4:8

Maanib aatunwanbir pu le ni moo kani titunwanbir aatork aawangol, le ki ban ke bi li moo tun titunwanbir.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 6:29

Bitotoorb aamaal ni aajab mɔmɔk ga ŋmaa ŋmɔ ipiin ngbaan aanann; ti ye chain chain aanann la.

Liifai Yaab 7:7

Titunwanbir aatork, ni lipɔln aapam aatork kpaa nkaal mubaa la: Utotoor u toor kitork ngbaan na le yeh kitork ngbaan aawakor ti bi di toor na aanann.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.