Liifai Yaab 6:2 - Uwumbɔr aagbaŋ

² Ubaa yaa yii, kaa giin uŋeen aatɔ aah di tiwan ni tii u, u di bil na, bee u yaa sun waawan nibaa, bee u jin u pem pem,

Liifai Yaab 6:2 ပူးပေါင်းရင်းမြစ်များ

Mpiin 26:7

Bijab bi nan bi Gerar aatiŋ ni na aah nan baa u upuu aabɔr na, le u nan bui bi ke u ye uninkpan la. Waa kii ke u bui bi ke upuu le na; ba pu? u nan san ijawaan ki dak ke bi yaa bee ke upuu ye kan, bi ga ku u, ki yoor upuu Rebeka, waanyaan pu.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ŋiyataŋak 24:28

Taa ŋa seeraadaan tii unii kaa nyi tibɔr ngbaan aabamɔn. Taa gii inyamɔn paan unii ubaa.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 24:16

Ti ga ŋun dulnyaa aatingbaan i bi dandar na aanib gaa ilahn ki pak Uwumbɔr u ŋan na. Nee mɔmɔk pu na le m bui ke maa kpa limakl. Nwon kpo doo a. Bibɔmbɔtukb beenin tuk tibɔr, le baabiin moo kpae.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

Esekiel 40:46

le kidiik ki lik ŋŋangan wɔb na ye bitotoorb bi tun kitork aabimbiln pu aatuln na aadiik. Bitotoorb ngbaan mɔmɔk nan ye Sadok aayaabitiib la; bima baanja le nan ye Liifai aanibol ni aanib bi kpa nsan ke bi sil Uwumbɔr aanimbiin ni ki tun waatuln na.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 19:11

“Ni taa su kinaayuk, bee ni ji niŋeen aatɔ pem pem, bee ni gii inyamɔn.

Liifai Yaab 5:15

Ni ponn ni ubaa yaa kaa nyi le kaa pan Uwumbɔr tipar ti bi chain na kan, u tun titunwanbir Uwumbɔr chee. Nima pu na, u li joo ni upihja, bee uŋoja u ŋan na, ki nan tii Uwumbɔr lipɔln aatork. Kiwakork ngbaan aadaak li dii Uwumbɔr aakaal aah siin pu na.

Liifai Yaab 5:19

Ni ye lipɔln aatork le ki tii titunwanbir ti udaan tun Uwumbɔr chee na.

Liifai Yaab 6:1

Uwumbɔr nan ki len tibɔr timina Moses chee.

Amos 8:5

Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

Habakuk 1:13

Tɔ, ba ŋa saa daa bibiindam ngbaan aatafal? Aanimbil bi chain pam kaan ŋmaa lik titunwanbir, kaan ŋmaa li si lik aan binib ŋani tiwan ni kaa ŋan na. Kina pu na, ba ŋa aa ka ŋmin aan bi bi kuln binib bi aabimbin ŋan jer baabimbin na?

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Lituln 5:4

Kisaak ngbaan aah nan bi aa chee na, ki nan ye siyaan la. Saah kooh ki na, ŋimombil ngbaan mu ye siyee la. Ba ŋa aa dak aasui ni ke aa ga ŋa kina? Saa mɔn nnyamɔn ki tuk binib baanja. Uwumbɔr le aa mɔn nnyamɔn tuk u.”

Efesusi 4:25

Nima pu na, ni taa ki mɔni inyamɔn. Ni mɔmɔk li len ibamɔn tɔb chee. Ti yaa ŋmanni tɔb kan, ni naahn ke tiwon aawan nibaa le aah ŋmanni niken na.

Kolosiya 3:9

Ni taa mɔln inyamɔn ki tuk tɔb; ba pu? ni nan di nimi aabimbikpok aatuln lii a,

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.