Liifai Yaab 6:18 - Uwumbɔr aagbaŋ

¹⁸ N‑yoonn mɔmɔk Aaronn aamaal bi ye bijab na ga ŋmaa ji tijikaar ngbaan, ba pu? Uwumbɔr le yakr waajikaar tii bi. Unii ubaa yaa kaa bi chain kan, u taa mee ti.

Liifai Yaab 6:18 ပူးပေါင်းရင်းမြစ်များ

Nnyam 29:37

Idaa mɔmɔk kan, aa ti ŋa kina ki ti saa iwiin ilole, aan nima kan, libimbiln ngbaan ga ŋa chain kookoo, le unii, bee tiwan, taa meeh li, see u mu ye chain.

Liifai Yaab 3:17

Israel yaab ubaa taa ji nkpan, bee nsin. Israel yaab mɔmɔk yaa bi nin chee mɔk na kan, bi li joo likoobil ngbaan ki cha n‑yoonn mu kaa kpa ndoon na.

Liifai Yaab 4:24

U di uŋaal paan uyil pu, aan ki kɔr u, kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na. Ipiin aatork kimina aaboln le nyani titunwanbir.

Liifai Yaab 4:3

Utotoorninkpel le yaa tun titunwanbir le ni ga joo ni ntafadaan binib pu kan, u di unaaja u ŋan na toor kitork tii Uwumbɔr, waatunwanbir ngbaan pu.

Liifai Yaab 4:33

U di uŋaal paan uyil pu, aan ki kɔr u kitork aabimbiln aaŋangan wɔb, nin chee bi kɔr kitork ki bi joo seer mmii ni na aawakor na.

Liifai Yaab 6:10

Le utotoor ga peen utotoor aatanyaan aawan, ki chuu nyan nkpan aafatan mu paa kitork aabimbiln paab na, ki di bil li chee.

Liifai Yaab 6:19

Uwumbɔr nan ki bui Moses ikaal imina aabɔr:

Liifai Yaab 6:27

Unii ubaa, bee tiwan nibaa yaa kaa bi chain kan, u taa meeh kiwakork ngbaan aanann. Kiwakork ngbaan aasin yaa meeh likekeln libaa kan, see ni finn li, chain aapepel ni.

Liifai Yaab 6:29

Bitotoorb aamaal ni aajab mɔmɔk ga ŋmaa ŋmɔ ipiin ngbaan aanann; ti ye chain chain aanann la.

Liifai Yaab 7:6

Utotoor aamaal ni aajab mɔmɔk ga ŋmaa ji ti, ni ŋan ke bi ji ti chain aapepel ni la; ba pu? ti ye chain pam.

Nkahm 18:10

Ni li ji tiwan ngbaan, chain aapepel ni; bijab baanja le ga ŋmaa ji ni. Li nyi ke m ŋa tiwan ngbaan chain la.

Nkahm 18:8

Uwumbɔr nan ki bui Aaronn ke, “Teer ke m di ipiinkpaan i bi di toor kitork tii mi kaa di see mmii ni na tii si la. M di i tii sin ni aayaabitiib, aan i li ye nimi aawan ki cha n‑yoonn mu kaa kpa ndoon na la.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

1 Piita 1:16

Ni ŋmee Uwumbɔr Aagbaŋ ni ke Uwumbɔr bui nimi, “Min Uwumbɔr bi chain la; nima pu na, ni mu li bi chain man.”

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.