Liifai Yaab 6:16 - Uwumbɔr aagbaŋ

^16-17 Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 6:16 ပူးပေါင်းရင်းမြစ်များ

2 Bibɔrb Aabɔr 31:14

Imna aajapɔɔn Kore, u nan ye Liifai aanii ki ye Uwumbɔr Aadichal aabisamɔb mu bi yin mu ke Liwipuul Aabisamɔb na aaninkpel na le nan ye u gaal ipiin i bi joo nan tii Uwumbɔr na, le ki yakr i tii.

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Esekiel 44:29

Bitotoorb aajikaar le ga li ye njikaabim aatork, ni titunwanbir aachapinn aatork, ni lipɔln aateem aatork, bima ki yeh tiwan ni mɔmɔk bi nyan Israel aatiŋ pu ki di tii mi na.

Liifai Yaab 2:3

N‑yon mu gur na ye bitotoorb yaan la. Baah di tijikaar ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 5:13

Kina le utotoor ga toor kitork tii utunwanbirdaan, le Uwumbɔr ga di cha pinn u waatunwanbir. N‑yon mu gur na ye utotoor na yaan le ke njikaabim aapiin aah ye uyaan pu na.

Liifai Yaab 6:23

Utotoor aah tii ipiin i aan i ye njikaabim aapiin na, ubaa taa ji i, ni see i mɔmɔk mmii ni.

Liifai Yaab 6:26

Utotoor u ŋa kitork ngbaan na le ga ŋmɔ kiwakork ngbaan aanann, chain aapepel ni, Uwumbɔr aanimbiin ni, Libool ngbaan aachiln ni.

Nkahm 18:8

Uwumbɔr nan ki bui Aaronn ke, “Teer ke m di ipiinkpaan i bi di toor kitork tii mi kaa di see mmii ni na tii si la. M di i tii sin ni aayaabitiib, aan i li ye nimi aawan ki cha n‑yoonn mu kaa kpa ndoon na la.

1 Korenti 5:8

Nima pu na, cha ti li ji Lakr‑jer aajim, ki ŋmɔ boroboro u kaa kpa nnyɔk na, ki di boroboro aanyɔkpok lii. Maah len pu na le ye ke ti li dak ilandak i ŋan na, ki li ŋani mbamɔm, ki di bakaa ni titunwanbir lii.