Liifai Yaab 5:15 - Uwumbɔr aagbaŋ

¹⁵ Ni ponn ni ubaa yaa kaa nyi le kaa pan Uwumbɔr tipar ti bi chain na kan, u tun titunwanbir Uwumbɔr chee. Nima pu na, u li joo ni upihja, bee uŋoja u ŋan na, ki nan tii Uwumbɔr lipɔln aatork. Kiwakork ngbaan aadaak li dii Uwumbɔr aakaal aah siin pu na.

Liifai Yaab 5:15 ပူးပေါင်းရင်းမြစ်များ

2 Bibɔrb 12:16

Ŋimombil ŋi bi nan tii ipiin aapɔln na, ni titunwanbir aatork aamombil ma aa nan koo dakaa ngbaan ni; ŋima ye bitotoorb aamombil la.

Esra 10:19

Bi nan puu ke bi ga di bipuutiib lii, le ki di upihja toor baatunwanbir aachapinn aatork.

Nnyam 30:13

Baah kahn bimɔk na ga pa ŋimombil ŋeer baah siin pu na. Bi mɔmɔk pa kina aapiin tii mi.

Esekiel 40:39

Teebul tiib binaa le nan bi kinaakook kee ponn ni, bilelee si lipepel mɔk pu. Teebul tiib ngbaan pu le bi nan kɔr kitork aawakor ti ga see mmii ni timɔnn na, ti ye titunwanbir aachapinn aatork, ni ti ye lipɔln aapam aatork na.

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 14:12

Utotoor nyan upihjabo ubaa ki kpee nkpan pu, ki di toor kitork aan ni li ye lipɔln aapam aatork. U di ni toor, ni li ye ipiinkpaan tii Uwumbɔr aan utotoor li yeh tiwan ngbaan.

Liifai Yaab 27:3

Maah ban m siin pu aan ni mɔmɔk li pa na sɔ: Bijab bi fuu ŋibin moninko ki ti saa imonko itaa na, ni ga pa bi pu tikunabr aamombil piiŋmu la. Bipiib bi mu fuu ŋibin moninko ki ti saa imonko itaa na, ni ga pa bi pu tikunabr aamombil piitaa la. Binachipɔm bi fuu ŋibin ŋiŋmu ki ti saa moninko na, ni ga pa bi pu tikunabr aamombil moninko la. Bisapɔm bi fuu ŋibin ŋiŋmu ki ti saa moninko na, ni ga pa bi pu tikunabr aamombil kipiik la. Mbim bi ye mbijabim ki saa ŋibin ŋiŋmu na, ni ga pa bi pu tikunabr aamombil ŋiŋmu la. Mbim bi ye mpiibim ki saa ŋibin ŋiŋmu na, ni ga pa bi pu tikunabr aamombil ŋitaa la. Bijab bi jer ŋibin imonko itaa na, ni ga pa bi pu tikunabr aamombil kipiik ni ŋiŋmu la. Bipiib bi mu jer ŋibin imonko itaa na, ni ga pa bi pu tikunabr aamombil kipiik la.

Liifai Yaab 4:2

ke u tuk Israel yaab ke ubaa yaa kaa nyi ki peln bii Uwumbɔr aakaal kan, waah ga ŋa pu na sɔ:

Liifai Yaab 5:14

Uwumbɔr le nan len tibɔr timina Moses chee:

Liifai Yaab 5:16

See u pan waah ba yii kaa pan chain aapar ti na, le ki ki pa paan ti pu ki tii utotoor. Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.

Liifai Yaab 5:18

U li joo ni utotoor chee upihja, bee uŋoja u ŋan na, ni li ye lipɔln aatork. Kiwakork ngbaan aadaak li dii nkaal aah siin pu na. Utotoor ga di kiwakork ngbaan toor udaan ngbaan aatunwanbir ti u tun kaa nyi na pu, le Uwumbɔr ga di cha pinn u waatunwanbir.

Liifai Yaab 6:6

U li joo ni upihja, bee uŋoja u ŋan na ki nan di tii utotoor, u di tii Uwumbɔr, ni li ye lipɔln aatork. Kiwakork ngbaan aadaak li dii nkaal aah siin pu na.

Liifai Yaab 7:1

Naah ga dii pu ki toor lipɔln aatork na aabɔr sɔ: Kitork ngbaan ye chain aatork la.

Liifai Yaab 7:6

Utotoor aamaal ni aajab mɔmɔk ga ŋmaa ji ti, ni ŋan ke bi ji ti chain aapepel ni la; ba pu? ti ye chain pam.

Nkahm 15:24

taani ngbaan yaa nan dan binib ngbaan aamaanyi pu le kan, bi di unaaja toor kitork, ki di u see mmii ni, ki kpee njikaabim ni ŋisubil aadaan aatork ki ŋeer na. Kitork ngbaan nu mɔ Uwumbɔr chee. Ni ki kpee na, bi di uŋoja toor titunwanbir aatork.

Nkahm 5:5

Uwumbɔr nan tuk Moses ke u bui Israel yaab ke,

Nkahm 5:8

Tɔ, ni yaa ye ke unii ngbaan kpo le udo yaab aa bi, bi pa tipar ngbaan tii bi kan, ni di ti tii min Uwumbɔr aan ti li ye utotoor yaan. Ki kpee tipar ngbaan pu na, u ban upihja aan bi di toor kitork woln u pu.

Ikaal 12:26

Ni li joo ni Uwumbɔr aapiin, ni naah puu tipuur ke ni ga tii u ipiin i na, ki di i buen waah nyan nin chee ke ni li dooni u na.

1 Samuel 6:3

Le bi bui ke, “Ni yaa ga giin Israel yaab Aawumbɔr Aadakaa kan, ni ŋan ke ni tii ipiin i ga ti pa nimi aatunwanbir pu na. Dakaa ngbaan aan ŋmaa gir iŋaalkuun. Ni yaa ŋa kina kan, ni ga pɔɔk, le ni ga bee naah ŋa pu aan u dar nitafal na.”