Liifai Yaab 5:11 - Uwumbɔr aagbaŋ

¹¹ U yaa kaa kpa ŋinanjel ŋilee, bee ŋibɔrnanjel ŋilee kan, u ban ni n‑yon kuruwaa ubaa ki nan tii Uwumbɔr waatunwanbir aapiin. U taa di olif aakpan, bee tulalee aayon paan n‑yon ngbaan pu; ba pu? ni ye titunwanbir aapiin la, naa ye tijikaar aapiin.

Liifai Yaab 5:11 ပူးပေါင်းရင်းမြစ်များ

Nnyam 16:18

N‑yoonn mu bi ti ŋaŋ ti na, bi ba ban ki jer biken na, baajikaar aa ki wiir, le bi ba ban siib na aajikaar ti ki ŋeer bi, bi ji. Bi mɔmɔk nan ban ŋeer bibaa la.

Nnyam 16:36

Baah nan joo tiwan ni ŋaŋni n‑yoonn ngbaan na, ni naahn dandana aakuruwaa kipiik la.

Liifai Yaab 1:14

Ni yaa ye waawan ni kpa ifeen na ponn ni le u ban u di toor kan, u nyan linanjel, bee libɔrnanjel.

Liifai Yaab 12:8

Upii yaa kaa kpa upihbo u toor kan, u li joo ni ŋibɔrnanjel ŋilee, bee ŋinanjel ŋilee, ki di libaa toor kitork ki di see mmii ni, ki di liken mu toor titunwanbir aatork. Utotoor ga toor ki nyan u tijɔŋ ni, aan u ŋa chain.

Liifai Yaab 14:21

Unii ngbaan yaa ye ugiin le kaan ŋmaa tii naah ye pu na kan, u li joo ni upihjabo ubaa ki nan toor lipɔln aatork aan bi di toor ki ŋa u chain, i ye ipiinkpaan le ki tii Uwumbɔr, le utotoor le yeh tiwan ngbaan. U ki li joo ni boroboro aayon kuruwaa ubaa, ki di olif aakpan ŋmal mu ni, ki nan di tii tijikaar aapiin aatork, ki kpee olif aakpan likpalbageln.

Liifai Yaab 27:8

Uja u puu tipuur ngbaan na yaa ye ugiin, kaan ŋmaa pa maah siin pu na kan, u li joo ni waah ban u di unii u pa na utotoor chee, le utotoor ngbaan ga siin kidaak ki diin na, ki ŋeer upɔndaan aah ga ŋmaa pa pu na.

Liifai Yaab 5:12

U li joo ni n‑yon ngbaan nan tii utotoor, aan u di uŋaal lee mu gbiin uŋaal, ni li ye limɔkl ke ni mɔmɔk ye Uwumbɔr aapiin la, aan ki di see mmii ni, libimbiln paab, tii Uwumbɔr. Ni ye kitork ki ga nyan titunwanbir na la.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Liifai Yaab 5:9

U di laasin yɔk yɔk kitork aabimbiln aagbaan. Nsin mu gur na, u cha mu tuu nya ki lir libimbiln aataab. Kitork ngbaan aaboln le nyani titunwanbir.

Liifai Yaab 6:20

Bundaal ni ban ni kaan Aaronn aajapɔɔn u li ye utotoor na kan, liyaadaal ngbaan, u ban n‑yon kuruwaa ubaa ki nan tii Uwumbɔr ipiin, ke iwiin mɔmɔk aajikaabim aatork aah wiir pu na; u di ligeln tii kichakpiik ni, ki nan di ligeln mu tii kijook wɔb.

Nkahm 5:15

uja ngbaan di upuu ngbaan buen utotoor chee. U li joo ipiin i ye n‑yon na kuruwaa ubaa, u taa di olif aakpan ŋa mu ponn ni, ki taa di tulalee aayon mu ŋa mu ni; ba pu? ni ye uchal aah dak pu na, le u ban mbamɔn nya mpaan pu.

Tibɔnyaan ti Luk ŋmee ti na 2:24

Le Josef ni Mari toor kitork ki tii Uwumbɔr, waakaal aah len pu na. Nkaal ngbaan len ke bi di ŋinanjel ŋilee, bee mbɔrnanjibim mulee ki di toor kitork ngbaan.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Hiibru Yaab 9:22

Nkaal ngbaan aah dii pu na, bi yaa nan ban ke bi ŋa tiwan chain kan, see bi di nsin yɔk yɔk ni pu le ki ŋa ni chain. Nsin yaa kaa nyan kan, Uwumbɔr aan di cha pinn titunwanbir.