Liifai Yaab 4:31 - Uwumbɔr aagbaŋ

³¹ U chuu nyan waakpan mɔmɔk, ke waah nyan kimɔbaan aatork aawakor aakpan pu na, ki di mu see mmii ni, libimbiln paab, aan ni li nu mɔ Uwumbɔr chee. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 4:31 ပူးပေါင်းရင်းမြစ်များ

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

Esra 6:10

Ni li ŋani kina, aan bi li ŋmaa toor kitork ki ga piir Uwumbɔr u bi paacham na aasui, ki mee u ke u ŋa waanyoor ŋa m ni njapɔtiib pu.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Nnyam 29:18

ki see upihja ngbaan aanann mɔmɔk libimbiln ngbaan paab, aan ni li ye tijikaar aapiin aatork tii mi. Kitork ngbaan aanunun mɔ m chee.

Aisaya 42:21

Uwumbɔr gee ke u gaal binib lir la, kina pu le u cha waakaal ni waamɔkm kpa kipak, ki nan ban ke waanib nyuŋ i.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Liifai Yaab 1:13

Uja ngbaan finn ponn ni aawan, ni ŋitaajal, le utotoor ga di kitork ngbaan tii Uwumbɔr, ki see ti mɔmɔk libimbiln paab mmii ni. Tijikaar aapiin kina aaboln nu mɔ Uwumbɔr chee.

Liifai Yaab 1:17

U chuu wɔk li, ki taa nyan ŋipue, aan ki di see mmii ni, libimbiln paab. Tijikaar aapiin aatork kina aaboln nu mɔ Uwumbɔr chee.

Liifai Yaab 1:9

Uja ngbaan finn ponn ni aawan ni ŋitaajal, le utotoor u toor kitork na ga see kitork ngbaan mɔmɔk mmii, libimbiln paab. Tijikaar aapiin kina aaboln nu mɔ Uwumbɔr chee.

Liifai Yaab 14:18

Nkpan mu gur uŋaapɔtan ni na, u di kpir uja ngbaan aayil pu. U yaa ŋa kina kan, u toor ki ŋa udaan ngbaan chain le na.

Liifai Yaab 15:15

Utotoor ga di linanjel libaa toor titunwanbir aatork, ki di liken mu toor kitork ki bi joo seer mmii ni na. Kina le u ga toor ki ŋa udaan ngbaan chain.

Liifai Yaab 19:22

Le utotoor ga toor ki ŋa u chain ki nyan u waatunwanbir ni, le min Uwumbɔr ga di cha pinn u.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 2:9

Utotoor ga lee ti ngem ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Liifai Yaab 4:19

U chuu nyan waakpan mɔmɔk ki see mu mmii ni, libimbiln paab.

Liifai Yaab 4:26

U ga di waakpan ngbaan see mmii ni, libimbiln paab, ke waah see kimɔbaan aatork aawakor aakpan pu na. Utotoor yaa toor kitork kimina aaboln tii utinjoor kan, Uwumbɔr ga di cha pinn u waatunwanbir.

Liifai Yaab 4:35

U chuu nyan waakpan mɔmɔk ke waah nyan kimɔbaan aatork aapiih aakpan pu na, aan ki di mu see mmii ni, libimbiln paab, ki kpee tijikaar aatork pu, ki tii Uwumbɔr. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 5:10

U di linanjel li gur na toor kitork ki bi joo seer mmii ni na, nkaal aah ye pu na. Kina le utotoor ga toor kitork tii titunwanbirdaan ngbaan, le Uwumbɔr ga di cha pinn u waatunwanbir.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Nkahm 15:25

Utotoor le ga ŋa kina aatork ki ŋa binib ngbaan mɔmɔk chain, le bi ga kan chapinn, ba pu? baa nyi le ki tun taani ngbaan, le ki mu joo ni titunwanbir aatork aapiin ke ni ye tijikaar aapiin le nan tii Uwumbɔr.

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 10:14

Kitork baan ngbaan pu, le u nyan titunwanbir binib aasui ni, ki ŋa bi binib bi ŋan ti doo ki cha n‑yoonn mu kaa kpa ndoon na.

Hiibru Yaab 9:12

le ki koo lipepel li ye chain na paacham, nfum mbaa kookoo. Uma ubaa aasin pu le u nan gaa timi lii n‑yoonn mu kaa kpa ndoon na, naa ye tiwakor aasin pu.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,