Liifai Yaab 4:3 - Uwumbɔr aagbaŋ

³ Utotoorninkpel le yaa tun titunwanbir le ni ga joo ni ntafadaan binib pu kan, u di unaaja u ŋan na toor kitork tii Uwumbɔr, waatunwanbir ngbaan pu.

Liifai Yaab 4:3 ပူးပေါင်းရင်းမြစ်များ

2 Bibɔrb Aabɔr 29:21

Bi nan joo inaaja ilole, ni ipiih ilole, ni ipihbi ilole, ni iŋoob ilole le ke bi ti toor chapinn aatork, nnaan aadichal ni Juda aanib pu, ki kpaan toor nyan Uwumbɔr Aadichal mu aajɔŋ. Ubɔr nan bui Aaronn aayaabitiib bi ye bitotoorb na ke bi di tiwakor ngbaan toor kitork aabimbiln paab.

Esra 8:35

N‑yoonn ngbaan le binib bi mɔmɔk nan nyan ni tinaagbiir ni ki gir ni na nan joo ni ipiin ke bi nan toor kitork ki di see mmii ni tii bima Israel yaab Aawumbɔr. Bi nan tii inaaja kipiik ni ilee Israel yaab mɔmɔk pu, ni ipihja imonko inaa ni kipiik ni iloob, ni ipihbi imonko itaa ni kipiik ni ilole; bi nan ki tii iŋoob kipiik ni ilee ke bi di toor bibaa aatunwanbir pu aatork. Bi nan di tiwakor tee mɔmɔk toor kitork ki di see mmii ni tii Uwumbɔr.

Nnyam 29:14

Aa di waanann, ni ngban, ni ponn ni aawan, ki di nya lipaal ki ti see ni mmii. Ipiin i ga cha m cha pinn bitotoorb ngbaan aatunwanbir na le na.

Nnyam 29:21

Aa ban nsin mu bi libimbiln ngbaan pu na ngem, ni olif aakpan na mu ngem, aan ki yɔk Aaronn ni ujapɔtiib aawanpeenkaan pu. Nima kan, uma, ni waabim, ni baawanpeenkaan ga li ye min yaan la.

Nnyam 29:7

ki di nkpan kpir uyil pu, ki ŋa u utotoor.

Nnyam 30:10

Libiln ponn ni kan, Aaronn ti di kiwakork ki u di toor titunwanbir aachapinn na aasin, ki di gbaa ŋimɔchɔn ŋinaa pu nfum mbaa aan ki ŋa li chain. Ŋibin mɔmɔk ni kan, u ti ŋa kina nfum mbaa. Tulalee aayon aabimbiln ngbaan li bi chain, ni di li tii min Uwumbɔr.”

Esekiel 40:39

Teebul tiib binaa le nan bi kinaakook kee ponn ni, bilelee si lipepel mɔk pu. Teebul tiib ngbaan pu le bi nan kɔr kitork aawakor ti ga see mmii ni timɔnn na, ti ye titunwanbir aachapinn aatork, ni ti ye lipɔln aapam aatork na.

Esekiel 43:19

Bitotoorb bi ye Liifai aanibol ni aanib ki ye Sadok aayaabitiib na baanja le ye binib bi ga ŋmaa sil nnimbiin ni ki tun maatuln na. Min Bidindaan Uwumbɔr le siin kina. Aa ga tii bi linaajabil le bi di toor titunwanbir aatork.

Esekiel 44:27

aan u nin koo Maadichal aachinbik ni, ki ti toor kitork ki ŋa ubaa chain, aan ki nin ki ŋmaa tun Maadichal ponn ni aatuln. Min Dindaan Uwumbɔr le len kina.

Liifai Yaab 1:10

Ni yaa ye waapiih, bee waaŋoob ponn ni le u ban u di ubaa toor kan, u nyan kijak ki li ŋan.

Liifai Yaab 1:3

Ni yaa ye waanaa ponn ni le u ban u di toor ki see mmii ni kan, u nyan unaaja u ŋan na. U di kitork ngbaan buen Uwumbɔr Aabool aabisamɔb, nima kan, uma Uwumbɔr ga gaa waatork ngbaan.

Liifai Yaab 16:11

N‑yoonn mu Aaronn di unaaja na toor titunwanbir aatork ki nyan ubaa, ni waamaal aatunwanbir na,

Liifai Yaab 16:3

N‑yoonn mu u ti joo ni unaajabo u nan toor titunwanbir aatork, ni upihja u u joo ni u nan toor kitork ki bi joo seer mmii ni na, le u ga ŋmaa koo nima chee.”

Liifai Yaab 16:5

Israel yaab mɔmɔk ga kpaan tii Aaronn iŋoja ilee u di toor titunwanbir aatork, ni upihja u di toor kitork ki bi joo seer mmii ni na aapiin aatork.

Liifai Yaab 16:6

U di unaaja toor kitork ki nyan ubaa, ni waamaal aatunwanbir.

Liifai Yaab 4:14

le titunwanbir ngbaan yaa nyan aan bi bee ti kan, bi mɔmɔk kpaan ban ni unaaja, ni li ye titunwanbir aachapinn aatork. Bi li joo ni unaaja ngbaan Uwumbɔr Aabool chee unimbiin ni,

Liifai Yaab 4:23

le bi tuk u aan u bee ke u tun titunwanbir kan, u li joo ni uŋoja u ŋan na ki nan toor waatork.

Liifai Yaab 4:28

le bi tuk u aan u bee ke u tun titunwanbir kan, u li joo ni uŋosal u ŋan na ki nan toor waatork.

Liifai Yaab 4:5

Le Utotoorninkpel na ga ban unaaja ngbaan aasin ngem ki di koo Libool ngbaan ni,

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Liifai Yaab 6:18

N‑yoonn mɔmɔk Aaronn aamaal bi ye bijab na ga ŋmaa ji tijikaar ngbaan, ba pu? Uwumbɔr le yakr waajikaar tii bi. Unii ubaa yaa kaa bi chain kan, u taa mee ti.

Liifai Yaab 8:12

U nan ki di nkpan ngbaan ngem kpir Aaronn aayil pu, ki ŋa u Uwumbɔr aatutunn.

Liifai Yaab 9:2

U nan bui Aaronn ke, “Ban ni unaaja ni upihja i ŋan na, ki nan toor kitork tii Uwumbɔr. Aa di unaaja toor titunwanbir aatork, aan ki di upihja toor kitork ki bi joo seer mmii ni na,

Liifai Yaab 9:3

ki tuk Israel yaab ke bi li joo ni uŋoja ki nan toor titunwanbir aatork, ki di libiln libaa aanaabo ni libiln libaa aapihbo u kaa kpa iween ibaa na, ki toor kitork ki bi joo seer mmii ni na tii Uwumbɔr,

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 8:8

Bi ban unaajabo, ni n‑yon mu bi di olif aakpan buun mu na, ni li ye njikaabim aatork aapiin; le aa ga ban unaaja uken u li ye titunwanbir aatork aapiin.

Rom Yaab 8:3

Nkaal aan ŋmaa ŋa kina; ba pu? binib aa kpa mpɔɔn ke bi joo nkaal ngbaan. Le Uwumbɔr ŋa waakaal aah kaa ŋmaa ŋa pu na; timi aatunwanbir pu le u nan tun ni Ujapɔɔn Yesu dulnyaa wee ni, ke u di tiwon ti naahn timi titunwanbirdam aawon na bii titunwanbir ti bi tisui ni na aapɔɔn,

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Hiibru Yaab 5:3

Uma ubaa aah kpa titunwanbir pu na, ni ŋan ke u toor kitork uma ubaa aatunwanbir, ni bi mu aatunwanbir pu.

Hiibru Yaab 9:12

le ki koo lipepel li ye chain na paacham, nfum mbaa kookoo. Uma ubaa aasin pu le u nan gaa timi lii n‑yoonn mu kaa kpa ndoon na, naa ye tiwakor aasin pu.